Erlent

Mótmælendur kveiktu í írönsku ræðisskrifstofunni

Andri Eysteinsson skrifar
Mótmælendur kveiktu elda inni í ræðisskrifstofu Íran í borginni Basra.
Mótmælendur kveiktu elda inni í ræðisskrifstofu Íran í borginni Basra. Vísir/AP

Mótmælendur brutust inn í írönsku ræðisskrifstofuna í borginni Basra í suður Írak í dag. Hörð mótmæli hafa staðið yfir í borginni undanfarna daga og hafa þau kostað að minnsta kosti tíu manns lífið. Fréttaveitan AP greinir frá því að mótmælendur hafi brotist inn og kveikt í byggingunni.

Mótmælin í Basra og í öðrum borgum suður-Írak hófust í júlí og vilja mótmælendur binda enda á spillingu stjórnvalda, atvinnuleysi og vilja að stjórnvöld bæti almenningsþjónustu.

Mótmælendur kölluðu slagorð gegn Íran fyrir utan skrifstofurnar, kveiktu í írönskum fána og kveiktu svo í bygginginunni. Margir íbúar Basra telja Íran hafa of mikil áhrif á írösk stjórnmál.

Talsmaður írönsku utanríkisþjónustunnar, Bahram Ghasemi, fordæmdi í viðtali við íranska miðla árásina á ræðisskrifstofuna og staðfesti að engan hafði skaðað í eldsvoðanum.

Ghasemi sagði bygginguna mikið skemmda og kallaði eftir því að þeir sem bæru ábyrgð yrði refsað harðlega.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.