Viðskipti innlent

Nora Magasin skellir í lás eftir sólarlítið sumar

Kristín Ólafsdóttir skrifar
Nora Magasin stendur við Austurvöll.
Nora Magasin stendur við Austurvöll. Vísir/Vilhelm

Veitingastaðnum Noru Magasin við Austurvöll var lokað í byrjun ágúst og hafa nýir aðilar tekið við rekstrinum. Einn eigenda staðarins segir lokunina m.a. skrifast á erfiðan vetur og rigningarsamt sumar.

Veitingastaður og bar undir merkjum Noru Magasin opnaði fyrst í Pósthússtræti 9 við Austurvöll árið 2013. Síðan þá hefur staðurinn gengið í gegnum eigendaskipti og breytingar. Honum var til að mynda lokað í nokkra mánuði í fyrra vegna framkvæmda þar sem allt innanhúss var tekið í gegn.

Jón Ragnar Jónsson er í eigendahópi Noru Magasin en hann segir í samtali við Vísi að breytt landslag í ferðamannaiðnaðinum og sólarlítið sumar hafi m.a. gert róðurinn þungan.

„Stórt á litið brást sumarið ansi illa og veturinn var líka erfiður. Það skiptir ekki máli við hvaða veitingamann þú talar, það finna allir fyrir þessu,“ segir Jón Ragnar.

„Við fórum líka út í breytingar og lífguðum upp á staðinn, hann var orðinn svolítið sjúskaður, og við fórum kannski örlítið fram úr okkur í því. Framkvæmdirnar áttu að taka miklu skemmri tíma en raunin varð og auk þess er mjög dýrt að gera við svona gamalt hús.“

Eins og áður segir hefur núverandi eigendahópur því hætt rekstri staðarins og munu nýir eigendur taka við rekstrinum innan skamms, að sögn Jóns Ragnars.


Tengdar fréttir

Vill fá fleiri stelpur fyrir aftan barborðið

Fáar konur eru kokteilbarþjónar á Íslandi. Sigurbjörg Tekla Þorsteinsdóttir er ein þeirra.Hún ætlar ekki að keppa á Íslandsmóti barþjóna. Þar er of mikill klíkuskapur að hennar mati. Hún skorar á fleiri stelpur að byrja að blanda.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HAGA
1,25
2
48.600
SKEL
0,66
3
89.276
GRND
0,62
1
16.100
SYN
0,2
3
127.020
MARL
0,13
7
28.952

Mesta lækkun dagsins


Félag
Br.%
Fjöldi
Velta*
ICEAIR
-1,39
10
48.327
VIS
-1,15
3
34.510
TM
-0,52
3
34.622
FESTI
-0,2
1
9.980
EIK
-0,13
1
7
Velkomin á Vísi. Þessi vefur notar vafrakökur. Sjá nánar.