Innlent

Eitt hundrað milljóna króna framúrakstur á Þingvöllum

Garðar Örn Úlfarsson skrifar
Mikið og gott útsýni er yfir Þingvelli af Hakinu.
Mikið og gott útsýni er yfir Þingvelli af Hakinu. Vísir/pjetur

Framkvæmdir við nýbyggingar þjóðgarðsins á Þingvöllum á Hakinu voru í lok maí komnar um 70 milljónir króna fram úr kostnaðaráætlun. Sýningarkostnaður hækkaði um 30 milljónir.

Einar Á. Sæmundsen þjóðgarðsvörður fór yfir stöðu framkvæmdanna á síðasta fundi Þingvallanefndar sem var 30. maí. „Framkvæmdir við anddyri eru að klárast og sýningarsalur í undirbúningi. Hefja á framkvæmdir við hellulögn utanhúss á næstu vikum,“ segir í fundargerð nefndarinnar.

Helstu skýringar á framúrkeyrslunni í kostnaðinum eru sagðar magnbreytingar í steypu og jarðvegsvinnu, meira eftirlit hjá Framkvæmdasýslu ríkisins og aukinn hönnunarkostnaður eftir að áætlun lauk.

Þá segir að kostnaður við sýningu hækki úr 320 milljónum í um 350 milljónir. „Þar koma til viðbætur í þremur sýningaratriðum, viðbætur við hljóðvist og frágangur við rafmagn.“ Þjóðgarðsvörður benti sérstaklega á að sýningin muni skila tekjum á næsta ári.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.