Viðskipti innlent

Stóraukinn handklæðaþvottur eftir breytingar í Bláa lóninu

Stefán Ó. Jónsson skrifar
Um 2700 manns fóru að meðaltali í Bláa lónið á hverjum degi í fyrra.
Um 2700 manns fóru að meðaltali í Bláa lónið á hverjum degi í fyrra. Aðsend

Með breyttu vöruframboði í Bláa lóninu, sem innleitt var þann 1. mars síðastliðinn, fá allir gestir lónsins handklæði og drykk með hverjum keyptum aðgöngumiða. Gestum er gert að skila handklæðinu eftir dvölina í Bláa lóninu, það er síðan þvegið svo að næsti gestur lónsins geti notað handklæðið.

Í síðasta ársreikningi Bláa lónsins má sjá að rúmlega 985 þúsund manns fóru ofan í lónið í fyrra. Það gerir að meðaltali 2700 manns á dag. Ef gert er ráð fyrir óbreyttum fjölda gesta á þessu ári má því ætla að Bláa lónið hafi þurft að þvo á þriðja þúsund handklæða á hverjum einasta degi frá því í marsbyrjun.

Í ljósi þess að 148 dagar eru nú liðnir frá 1. mars, þegar fyrrnefndar breytingar tóku gildi, er því ekki óvarlegt að áætla að heildarfjöldi þveginna handklæði sé um 400 þúsund.
 

Már Másson er markaðsstjóri Bláa lónsins. aðsend

Már Másson, markaðsstjóri Bláa lónsins, segir í samtali við Vísi að það sé „alveg klárt að við erum að þvo mikið af handklæðum.“ Bláa lónið reki „eitt af afkastameiri þvottahúsum landsins,“ í Grindavík - enda séu handklæðin „öll nýtt aftur.“

Aðspurður hvort að þessi handklæðanotkun sé ekki óumhverfisvæn, vegna þess þvottaefnis sem óneitanlega þarf að nota við þvottinn, segir Már að um sé að ræða fylgifisk þess reka að baðstað sem þennan. Fyrirtækið reyni engu að síður að hafa rekstur sinn umhverfisvænan eftir fremsta megni.

Sjá einnig: Milljón króna leyniherbergi í hóteli Bláa lónsins

Fólki sé einnig „að sjálfsögðu velkomið“ að koma með eigið handklæði í lónið að sögn Más - „en það er í sjálfu sér algjör óþarfi. Ef fólk vill hins vegar mæta með uppáhalds handklæðið sitt í Bláa lónið þá er það velkomið.“

Már segir að hinu nýja fyrirkomulagi sé ætlað að bæta „Bláa lónsins-upplifunina“ fyrir gesti. Það sé ekki ósvipað því sem þekkist í öðrum heilsulindum erlendis, þar sem gestir fá ýmis fríðindi við komuna. Þetta sé því ekki aðeins „markaðstrix,“ eins og blaðamaður ýjar að - enda gætu aukahlutir eins og handklæði og drykkur verið til þess fallnir að auðvelda fólki að réttlæta fyrir sér verðmiðann í lónið.

Hvort þær hafi komið með eigið handklæði eða ekki fylgir ekki sögunni. Aðsend

Már segir að þar fyrir utan hafi Bláa lónið ekki fengið margar kvartanir frá erlendum gestum vegna verðlagsins, en aðgöngumiðinn kostar frá 6900 krónum. Ánægja gestanna sé mæld reglulega og niðurstöðurnar bendi ekki til þess að þeir setji verðið fyrir sig. Þvert á móti hafi fyrrnefndar breytingar haft jákvæð áhrif á upplifun gestanna.

Már segir að það vilji oft gleymast að Bláa lónið sé í samkeppni við önnur „upplifunarsvæði í heiminum“ og í þeim samanburði þyki verðmiðinn ekki hár. Þessi svæði geti verið allt frá öðrum heilsulindum, sem eru víða í heiminum, til annarra óbeinni staðkvæmdarvara; eins og skemmtigarða, sólarstranda, þjóðgarða o.sfrv.

Jarðsjórinn og umhverfi Bláa lónsins sé þó einstakt á heimsvísu - og það dragi að rúmlega milljón gesti á ári.


Tengdar fréttir

Borga 8 milljarða króna fyrir að fá að baða sig í Bláa lóninu

Tekjur Bláa lónsins af aðgangseyri í lónið jukust um 41 prósent í fyrra og námu næstum átta milljörðum króna. Hluthafar fá greidda tvo milljarða í arð. Forstjórinn segir ekki útilokað að farið verði að huga betur að skráningu fyrirtækisins á markað, jafnvel erlendis.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
4,36
82
1.091.920
ORIGO
2,25
2
3.481
REITIR
1,24
3
101.924
HEIMA
0,91
1
11
ARION
0,87
3
130.285

Mesta lækkun dagsins


Félag
Br.%
Fjöldi
Velta*
LEQ
-0,84
1
200
VIS
-0,71
2
2.480
MARL
-0,52
10
181.238
FESTI
-0,2
3
42.932
SKEL
0
1
500
Velkomin á Vísi. Þessi vefur notar vafrakökur. Sjá nánar.