Erlent

Wild Boars boðið á Gothia Cup

Andri Eysteinsson skrifar
Gothia Cup er stærsta knattspyrnumót unglinga og er haldið í Gautaborg í Svíþjóð
Gothia Cup er stærsta knattspyrnumót unglinga og er haldið í Gautaborg í Svíþjóð Facebook/Gothia Cup

Gothia Cup, stærsta knattspyrnumót unglinga í heiminum verður sett á morgun 16.júlí í Gautaborg í Svíþjóð.

Í tilkynningu frá mótshöldurum segir að heiðursgestir mótsins verði því miður fjarverandi, það eru fótboltastrákarnir úr liðinu Wild Boars sem hafa verið í heimsfréttum frá því að þeir festust í helli í heimalandi sínu Taílandi.

Strákunum 12 og þjálfara þeirra hefur nú öllum verið bjargað eftir meira en tveggja vikna veru í hellinum. Wild Boars liðið safnar nú kröftum á sjúkrahúsi í Chiang Rai í Taílandi en strákarnir geta hlakkað til næsta sumars því mótshaldarar hafa ákveðið að bjóða liðinu á mótið að ári liðnu.

Í tilkynningunni segir að Gothia Cup hafi ákveðið að bjóða liðinu á mótið og muni sjálft greiða allan tilfallandi kostnað, einnig hafa Svíarnir boðist við að hjálpa við undirbúning fyrir mótið næsta sumar.

31 íslenskt lið með drengjum og stúlkum á aldrinum 13-16 ára er farið til Gautaborgar til að taka þátt í mótinu í ár.


Tengdar fréttir

Fótboltastrákarnir útskrifast á fimmtudag

Taílensku fótboltastrákarnir sem festust ásamt helli með þjálfara sínum hafa frá björgun verið á Chiang Rai sjúkrahúsinu. Stefnt er að því að þeir yfirgefi það á fimmtudaginn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.