Viðskipti innlent

Samherji keypti fjórðungshlutinn í Eimskip

Stefán Ó. Jónsson skrifar
Þorsteinn Már Baldvinsson, forstjóra Samherja.
Þorsteinn Már Baldvinsson, forstjóra Samherja. VÍSIR/AUÐUNN
Systurfélag Samherja hf., Samherji Holding ehf., hefur keypt öll hlutabréf bandaríska fjárfestingasjóðsins Yucaipa í Eimskipafélagi Íslands hf. Um er að ræða samtals 25,3% hlut í félaginu og er kaupverðið um 11 milljarðar íslenskra króna. Samherji Holding ehf. er félag um erlenda starfsemi Samherja.

„Eimskip er gamalgróið félag með trausta innviði, þrautreynt starfsfólk og góðan skipastól,“ er haft eftir Þorsteini Má Baldvinssyni, forstjóra Samherja, í tilkynningu.

Sjá einnig: Stærsti hluthafinn seldi allt sitt í Eimskip 

Hann segir að Samherji og Eimskip hafi á undanförnum árum víða verið með starfsemi á sömu svæðum. „Eimskip er alþjóðlegt flutningafyrirtæki sem byggir starfsemi sína á góðri þjónustu við viðskiptavini með rekstri skipaflota á Norður-Atlantshafi. Við þekkjum á margan hátt ágætlega til reksturs skipa og mikilvægi flutninga í alþjóðlegu umhverfi. Það verður krefjandi en um leið ánægjulegt að taka þátt í áframhaldandi uppbyggingu félagsins í góðu samstarfi við aðra hluthafa,“ segir Þorsteinn.


Tengdar fréttir

Bréf í Eimskip hækkað um 10 prósent í morgun

Sala bandaríska fjárfestingafélagsins Yucaipa Companies á fjórðungshlut sínum í Eimskipafélagi Íslands hefur leitt til um tíu prósenta hækkunar á verði á bréfum í félaginu.






Fleiri fréttir

Sjá meira


×