Lífið

Stjörnuspá Siggu Kling – Sporðdrekinn: Þú ert með svo miklu meiri orku en þú heldur

Elsku Sporðdrekinn minn, þú ert sú persóna sem mér finnst hafa orku eins og regnboginn sem myndast bara þegar rigningu og sól slær saman. Þess vegna virkarðu best í þeirri orku sem kemur þér á óvart eins og regnboginn gerir. Þú hefur fyndið og djúpt skopskyn, en það dregur oft úr þér þegar feimni eða þú brýtur sjálfstraust þitt niður.

Þú átt það til að svæfa þig og deyfa og þá líður tíminn til einskis og það þolirðu ekki og þá minnirðu mann á hús sem enginn býr í en er samt svo djúpt og dularfullt.

Þú ert með svo miklu meiri orku en þú heldur og þú nýtur hennar ekki til fulls en þegar þú brosir lýsirðu upp heilu herbergin elsku hjartað mitt. Þú þarft að feika það aðeins til að meika það og ef einhver getur það ert það þú.

Þú berst fyrir þínu fólki fram í rauðan dauðann og ert svo sannarlega sannkallaður stuðningsmaður og ekkert er þér ómögulegt svo ef einhver þér kærkominn myndir biðja þig að fela lík, þá myndirðu hugsa þig tvisvar um áður en þú segðir nei – þvílíkur heilinda og stuðningsmaður sem þú ert, en þú gleymir að fylla þinn eigin bensíntank svo það getur dregið úr þér kraftinn og orkuna sem þú þarft að gefa sjálfri þér.

Núna þarftu að skoða hversu miklu máli þú skiptir, það var íslensk kona í sjónvarpi sem sagði lokaðu augunum og hugsaðu um þá sem þú elskar mest í lífinu, svo sagði hún, sástu sjálfan þig (og ég veit þú sagðir nei!) – svo lokaðu augunum, hugsaðu um þá sem þú elskar og hafðu sjálfan þig með. Haltu svo með þessarri persónu sem ert þú og klappaðu hana upp endalaust.

Ef þú ert á lausu skaltu fyrst og fremst hugsa um manneskju sem þér finnst þægileg, ekki ákveða einhverja sem passar bara við ástríðufullu orkuna þína, það bara mun ekki virka. Þú mátt reynslukeyra og skoða, en þegar þú tekur ákvörðum muntu vera viss og ekkert er betra en að velja Sporðdrekakonu eða mann sem er viss um hvar hann vill vera. 

Skilaboðin til þín eru: Að vera eða „To be“

Frægir Sporðdrekar: Birkir Már Sævarsson landsliðsmaður, Dísa í World Class, Helga Braga Jónsdóttir leikkona, Björk Guðmundsdóttir söngkona, Scarlett Johansson leikkona, Whoopie Goldberg leikkona, Sigríður Elva Vilhjálmsdóttir sjónvarpskona, Emmsjé Gauti rappari, Björk, Indira Ghandi, Karl bretaprins, Hillary Clinton, Leonardo DiCaprio, Magnús Scheving, Steingrímur Sævarr Ólafsson fjölmiðlaráðgjafi, Guðný Hrefna Sverrisdóttir, flugfreyja og gourmé kokkur, Hörður Ágústsson Macland snillingur, Indira Gandhi, Guðrún Ásmundsdóttir og Calvin Klein.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.