Handbolti

Sextán ára stelpurnar unnu Noreg í handbolta

Óskar Ófeigur Jónsson skrifar
Íslenska 16 ára landsliðið.
Íslenska 16 ára landsliðið. Mynd/Fésbókarsíða HSÍ

Íslenska 16 ára landsliðið vann 23-22 sigur á Noregi í dag á European open í handbolta en mótið fer fram í Gautaborg í Svíþjóð. Það er ekki á hverjum degi sem íslensk kvennalandslið vinnur Noreg á handboltavellinum.

Leikuurinn var úrslitaleikur um 9. til 10. sæti á þessu opna Evrópumóti og enduðu því íslensku stelpurnar í níunda sæti.

Frábær fyrri hálfleik lagði grunninn að sigrinum en hann unnu okkar stelpur með sex marka mun, 13-7.

Norðmenn hafa verið með gríðarlega sterk yngri landslið hjá stelpunum í gegnum tíðina og þaðan hefur verið stöðugur uppgangur inn í A-landsliðið.

Stelpurnar höfðu áður unnið Rússland 28-27 í öðrum frábærum leik hjá liðinu.





Hópurinn samkvæmt heimasíðu HSÍ:

Andrea Gunnlaugsdóttir, ÍBV
Ásdís Þóra Ágústdóttir, Valur
Ásthildur Bjarkadóttir, Fylkir
Bríet Ómarsdóttir, ÍBV
Elín Rósa Magnúsdóttir, Fylkir
Hanna Karen Ólafsdóttir, Fylkir
Harpa Valey Gylfadóttir, ÍBV
Ída Margrét Stefánsdóttir, Valur
Jóhanna Margrét Sigurðardóttir, HK
Katrín Tinna Jensdóttir, Fylkir
Linda Björk Brynjarsdóttir, ÍBV
María Lovísa Jónasdótir, Grótta
Rakel Sara Elvarsdóttir, KA/Þór
Selma María Jónsdóttir, Fylkir
Úlfhildur Tinna Lárusdóttir, UMFA
Valgerður Ósk Valsdóttir, FH



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira