Viðskipti innlent

Í­búða­lána­sjóður gæti gjald­fellt lán leigu­fé­laga verði þau upp­vís að ó­eðli­legum við­skipta­háttum

Berghildur Erla Bernharðsdóttir og Sunna Kristín Hilmarsdóttir skrifa
Starfsemi leigufélaga á borð við Heimavelli og Almenna leigufélagið er langt því frá óumdeild en félögin eru bæði stórtæk á leigumarkaðnum og hafa hagnast mikið á útleigu íbúða.
Starfsemi leigufélaga á borð við Heimavelli og Almenna leigufélagið er langt því frá óumdeild en félögin eru bæði stórtæk á leigumarkaðnum og hafa hagnast mikið á útleigu íbúða. vísir/vilhelm

Íbúðalánasjóður sendi tuttugu leigufélögum bréf í liðinni viku þar sem kallað var eftir svörum um hvernig skilyrðum reglugerðar um lán sjóðsins séu uppfyllt.

Félögin eru öll með sérstök leiguíbúðalán frá frá sjóðnum en í bréfinu sem sjóðurinn hefur sent er jafnframt kallað eftir upplýsingum um verðlagningu leiguíbúða í þeirra eigu.

Anna Guðmunda Ingvarsdóttir, aðstoðarforstjóri Íbúðalánasjóðs, segir að sjóðurinn hafi, eins og aðrir, fylgst með þróuninni á leigumarkaði en eins og fjallað hefur verið um hefur leiguverð hækkað mikið undanfarin ár.

Þannig fjallaði Kjarninn um það í fréttaskýringu fyrir helgi hvernig ríkið, í gegnum Íbúðalánasjóð, væri stærsti lánveitandi leigufélagsins Heimavalla en starfsemi félagsins er langt því frá óumdeild.

Heimavellir eiga um 2000 íbúðir sem leigðar eru út og hefur hagnast mikið á leigunni á sama tíma og mikill húsnæðisskortur hefur verið nánast um allt land.

Sjá einnig:
Félagsmálaráðherra boðar forsvarsmenn leigufélaga á sinn fund vegna hækkana

„Við viljum bara ganga úr skugga um það að þær reglur sem gilda um þau lán sem sjóðurinn hefur veitt, að sé ekki verið að brjóta þær, því þarna eru vissulega félög sem hafa verið í fréttum sem eru með lán hjá sjóðnum,“ segir Anna í samtali við fréttastofu.
 
Spurð að því hvernig reglurnar séu segir Anna að þeim félögum sem fá þessi lán sé óheimilt að ráðstafa arði út úr félaginu. Þá eigi þau að haga rekstrinum sínum á sem hagkvæmastan hátt og með hagsmuni íbúa að leiðarljósi.

„Í því felst í raun og veru að það er ekki heimilt að ákvarða leigu eins hátt og mögulegt er. Það verður að gæta hófs í því,“ segir Anna.

En hvað gerist ef leigufélögin verða uppvís að óeðlilegum viðskiptaháttum?

„Ef við komumst að því að félögin eru ekki að fara eftir reglum þá gefum við þeim fyrst kost á að bæta þar úr en annars er heimild sjóðsins að hreinlega gjaldfella lánið,“ segir Anna. 

Tilkynningu Íbúðalánasjóðs vegna málsins má sjá hér.

Uppfært klukkan 15:36: Fréttin hefur verið uppfærð þar sem ranglega var farið með upplýsingar um hækkanir á leigu hjá Almenna leigufélaginu.

Sagt var að leiga á íbúð hefði farið úr 105 þúsund krónum í 170 þúsund krónur, samkvæmt tölvupósti frá félaginu til leigutaka, en samkvæmt upplýsingum frá Almenna leigufélaginu urðu mannleg mistök þegar upphæðin var slegin inn í póstinn þar sem leiguverð fyrir viðkomandi íbúð nam 115 þúsund krónum með verðbótum og var verðið hækkað í 145 þúsund við gerð nýs samnings árið 2018.

Að auki vill Almenna leigufélagið koma því á framfæri að það er ekki lántaki hjá Íbúðalánasjóði.


Tengdar fréttir

Telur vaxtalækkun geta lækkað leigu

Forstjóri Heimavalla segir umræðu um hátt leiguverð ekki hafa verið félaginu til góðs. Helmings lækkun vaxta gæti lækkað leiguverð um 20 prósent. Viðskipti með bréf félagsins í Kauphöll Íslands hefjast í dag.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MARL
0,13
5
93.108
VIS
0
3
9.252
ORIGO
0
1
5.125
SJOVA
0
6
57.051
TM
0
1
15.150

Mesta lækkun dagsins


Félag
Br.%
Fjöldi
Velta*
REGINN
-2,06
5
38.300
SIMINN
-1,84
5
90.353
N1
-1,65
6
126.050
REITIR
-1,52
3
54.714
SYN
-1,42
5
94.490
Velkomin á Vísi. Þessi vefur notar vafrakökur. Sjá nánar.