Innlent

Lamaður maður fluttur frá Hvolsvelli á Hellu

Magnús Hlynur Hreiðarsson skrifar
Finnur Bjarki segir að pabba sínum hafi verið úthýst af Kirkjuhvoli eftir 11 góð ár þar því fjölskyldan fréttir af því í dag að Kirkjuhvoll hefur sagt sig frá þjónustusamningi sem innifelur 4.5 stöðugildi. Vonir standa til þess að hann komist á Lund á Hellu sem fyrst.
Finnur Bjarki segir að pabba sínum hafi verið úthýst af Kirkjuhvoli eftir 11 góð ár þar því fjölskyldan fréttir af því í dag að Kirkjuhvoll hefur sagt sig frá þjónustusamningi sem innifelur 4.5 stöðugildi. Vonir standa til þess að hann komist á Lund á Hellu sem fyrst. Mynd/Arnþór Birkisson

Finnur Bjarki Tryggvason, sonur Tryggva Ingólfssonar sem er lamaður fyrir neðan háls eftir fall af hestbaki, segir starfsfólk hjúkrunar- og dvalarheimilisins Kirkjuhvols, þar sem Tryggvi hefur dvalið í ellefu ár, hafa neitað að taka við föður hans eftir að hann hugðist snúa aftur eftir aðgerð. Finnur Bjarki segir málið óskiljanlegt.

„Pabbi fer á Heilbrigðisstofnun Suðurlands á Selfossi til að byrja með og svo vonumst við til að hann komist á dvalar- og hjúkrunarheimlið Lund á Hellu,“ segir Finnur Bjarki Tryggvason, sonur Tryggva Ingólfssonar sem er lamaður að hálsi eftir alvarlegan mænuskaða eftir að hann datt af hestbaki 2006.

„Það er búið að draga okkur á asnaeyrunum síðan um páska því þá átti hann að fara aftur á Kirkjuhvol eftir að hafa þurft að vera á Landsspítalanum í nokkrar vikur eftir aðgerð. Þegar hann átti að fara þangað var honum hótað að 12 manns úr starfsliði Kirkjuhvols gengju út ef hann kæmi heim. Í morgun var okkur sagt að Kirkjuhvoll segði sig frá því verkefni að sinna pabba eftir 11 ára góðan árangur.“

Tryggvi þarf aðstoð allan sólarhringinn við allar athafnir. Hann hefur búið á Kirkjuhvoli sem er dvala- og hjúkrunarheimili í ellefu ár.

„Málið er óskiljanlegt fyrir okkur því það hafa alltaf verið góð samskipti við starfsfólk Kirkjuhvols og hnökrar leystir með samtali þar til nú,“ bætir Finnur Bjarki við. Lundur, sem er dvalar- og hjúkrunarheimili á Hellu, verður því framtíðarheimili Tryggva.


Tengdar fréttir

14 ára samdi hvatningarlag fyrir afa

Hilmar Tryggvi Finnsson samdi lag sem er aðallag söfnunar til styrktar Mænuskaðastofnunar. Tryggvi Ingólfsson, afi Hilmars, datt af hestbaki fyrir fjórum árum og lamaðist frá hálsi og niður.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira