Golf

Fékk fugl í bókstaflegri merkingu og missti af niðurskurðinum

Henry Birgir Gunnarsson skrifar
Menn verða ekki mikið óheppnari en Kraft.
Menn verða ekki mikið óheppnari en Kraft. vísir/getty

Atvinnukylfingurinn Kelly Kraft lenti í ótrúlegu atviki á PGA-móti síðasta föstudag.

Er hann tók upphafshögg á par 3 holu þá vildi ekki betur til en svo að boltinn fór í fugl og þaðan beint ofan í vatn.

Kraft vildi fá að endurtaka höggið en fékk það ekki þar sem boltinn fór ekki í hlut sem er byggður af mönnum. Hann neyddist til þess að taka víti og það var blóðugt því hann missti af niðurskurði mótsins með einu höggi. Þessu upphafshöggi.

„Þessi fugl sá til þess að ég komst ekki í gegnum niðurskurðinn. Algjör synd því ég negldi upphafshöggið. Þetta er ekkert eðlilega svekkjandi,“ sagði Kraft en hann varð af miklum tekjum þar sem hann komst ekki í gegnum niðurskurðinn.

Fuglinum varð ekki meint af högginu og flaug aftur á brott skömmu síðar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.