Erlent

Fyrrverandi forseti Brasilíu þarf að hefja afplánun

Kjartan Kjartansson skrifar
Lula er á leiðinni í tukthúsið, að minnsta kosti þangað til fjallað hefur verið um áfrýjun hans á spillingardómi.
Lula er á leiðinni í tukthúsið, að minnsta kosti þangað til fjallað hefur verið um áfrýjun hans á spillingardómi. Vísir/AFP

Hæstiréttur Brasilíu úrskurðaði í gær að Luiz Inácio Lula da Silva, fyrrverandi forseti landsins, þurfi að hefja afplánun í fangelsi á meðan hann áfrýjar dómi sem hann hlaut fyrir spillingu. Lula á yfir höfði sér tólf ára fangelsisvist fyrir að þiggja mútur.

Hann hafði óskað eftir því að fá að ganga laus á meðan dómnum væri áfrýjað að því synjaði dómstóllinn. Lula hefur fullyrt að dómurinn hafi verið pólitískur og ætlað að koma í veg fyrir að hann byði sig fram til forseta aftur í október, að því er segir í frétt breska ríkisútvarpsins BBC.

Lula var forseti frá 2003 til 2011 og er 72 ára gamall. Hann hefur mælst með forystu í skoðanakönnunum fyrir forsetakosningarnar.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.