Mikilvægur sigur Vignis og félaga

Vignir Svavarsson og félagar hans í Team Tvis Holstebro unnu eins marks sigur, 32-31, á öðru Íslendingaliði, Århus, í dönsku úrvalsdeildinni í handbolta í dag.

Vignir tók ekkert þátt í leiknum, en líkur eru á að Hafnfirðingurinn glími við einhver meiðsli. Staðan var jöfn, 17-17, í hálfleik.

Ómar Ingi Magnússon skoraði fjögur mörk fyrir Árósar-liðið, Sigvaldi Guðjónsson eitt og Róbert Gunnarsson ekkert.

Holstebro eru í fjórða sætinu með 20 stig, en Árósar-liðið er í sjötta sætinu með 23 stig.