Golf

Frábær dagur hjá Valdísi Þóru sem er komin upp í fjórða sætið

Óskar Ófeigur Jónsson skrifar
Valdís Þóra Jónsdóttir komst upp í hóp efstu kylfinga með frábærri spilamennsku.
Valdís Þóra Jónsdóttir komst upp í hóp efstu kylfinga með frábærri spilamennsku. LET/Tristan Jones

Valdís Þóra Jónsdóttir spilaði frábærlega á öðrum degi Investec golfmótsins í Suður Afríku í dag en mótið er hluti af evrópsku mótaröðinni.

Valdís Þóra spilaði á tveimur höggum yfir pari á fyrsta hringnum í gær og var því 27 sætum frá toppnum. Hún fann sig hinsvegar miklu betur í dag og lék þá á þremur höggum undir pari.

Valdís Þóra fékk fjóra fugla á fyrstu níu holunum og var þar með komin tvö högg undir par samanlagt.

Einn fugl og einn skolli á næstu átta holum en svo fékk hún skolla á átjándu holunni. Valdís hefur þar með tapað þremur höggum á átjándu holunni því hún fékk skramba á henni í gær.  

Valdís lék því á 69 höggum í dag eða þremur höggum undir pari. Hún er því ða einu höggi undir pari samtals og kom inn í fjórða sætinu.  

Valdís Þóra er þvi í toppbaráttunni fyrir lokahringinn en leiknar verða aðeins 54 holur og mótinu lýkur því á morgun.

Þetta er annað LET-mótið á stuttum tíma þar sem Valdís Þóra er í toppbaráttunni en hún varð í þriðja sæti á Ladies Classic Bonville mótinu sem fram fór í Ástralíu í febrúar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira