Verðfallið vestanhafs smitast hingað til lands Kristinn Ingi Jónsson skrifar 7. febrúar 2018 08:00 Verðbréfamiðlarar hafa haft í nógu að snúast síðustu daga. Mikll ótti greip um sig á hlutabréfamörkuðum í byrjun vikunnar og lækkuðu allar helstu hlutabréfavísitölur heims. Mest var lækkunin í Bandaríkjunum. Vísir/EPA Fjárfestar hér á landi brugðust í gær nokkuð harkalega við verðfallinu sem varð á alþjóðlegum hlutabréfamörkuðum, sér í lagi vestanhafs, í byrjun vikunnar. Hlutabréf allra félaganna sem skráð eru á markað, fyrir utan bréf Eimskips, féllu í verði og lækkaði úrvalsvísitala Kauphallarinnar um 1,15 prósent. Eggert Þór Aðalsteinsson, sérfræðingur í eignastýringu Kviku, segir að sú mikla lækkun sem varð á hlutabréfamörkuðum vestanhafs á mánudag hafi smitað út frá sér á íslenska hlutabréfamarkaðinn í gær. Auk þess standi ákveðnar líkur til þess að fjárfestar hafi innleyst hagnað í einhverjum mæli eftir sterkan janúarmánuð. „Hlutabréfamarkaðurinn hækkaði um sjö til átta prósent í janúar eftir magra tíð þar á undan. Þetta er næstbesti janúarmánuður á markaðinum frá hruni. Lækkunin í gær tengist óróanum á bandarískum mörkuðum með beinum hætti. En sé litið til næstu mánaða skiptir mestu máli, hvað íslenska hlutabréfamarkaðinn snertir, að við sjáum sterk uppgjör frá félögum í yfirstandandi uppgjörshrinu til þess að ýta undir frekari hækkanir hlutabréfa,“ segir hann.Hærri verðbólguvæntingar S&P 500 hlutabréfavísitalan lækkaði um 4,1 prósent á mánudag og er það mesta dagslækkun vísitölunnar í sex ár. Óróann má einkum rekja til nýrra atvinnutalna sem birtar voru í Bandaríkjunum á föstudag en þær gáfu til kynna að bandaríska hagkerfið, sér í lagi vinnumarkaðurinn, væri að taka betur við sér en fjárfestar höfðu gert ráð fyrir. Þannig hækkuðu laun í landinu um 3 prósent að meðaltali í janúarmánuði sem er mun meiri hækkun en greinendur höfðu spáð. Í kjölfarið snarhækkaði ávöxtunarkrafa bandarískra ríkisskuldabréfa en hækkunin endurspeglar væntingar fjárfesta um aukna verðbólgu og frekari vaxtahækkanir Seðlabanka Bandaríkjanna. Vextir vestanhafs hafa verið í sögulegu lágmarki um nokkurra ára skeið. „Fjárfestar virðast hafa komist að þeirri niðurstöðu að bandaríska hagkerfið sé nálægt því að ofhitna og þess vegna sé hættan af aukinni verðbólgu meiri en hættan af því að kreppa skelli á,“ segir Torsten Slok, aðalhagfræðingur Deutsche Bank, í samtali við Financial Times. Aukin hætta á verðbólgu kalli á hærri stýrivexti.Eggert Þór Aðalsteinsson, sérfræðingur í eignastýringu KvikuÁhrifanna af verðfallinu gætti víðar um heim. Þannig hríðféll japanska hlutabréfavísitalan Nikkei 225 um 5 prósent í gær og hlutabréfavísitölur í Evrópu tóku auk þess dýfu. Þannig lækkaði FTSE 100 vísitalan í Lundúnum um 1,7 prósent og Dax 30 vísitalan í Frankfurt fór niður um tvö prósent. Hérlendur hlutabréfamarkaður fór heldur ekki varhluta af lækkununum, eins og áður sagði. Viðmælendur Markaðarins benda á að eftir að gjaldeyrishöftum var aflétt á síðasta ári sé Ísland ekki lengur eyland. Allar hræringar á erlendum mörkuðum hafi áhrif á íslensk félög, í mismiklum mæli þó.Ásgeir Jónsson, dósent í hagfræði við Háskóla ÍslandsEkki náð sér á strik Ásgeir Jónsson, dósent í hagfræði við Háskóla Íslands, segir íslenska hlutabréfamarkaðinn ólíkan því sem hann var á árunum fyrir hrun. „Á þeim tíma voru íslensku félögin mjög skuldsett og var það regla fremur en undantekning að verðkennitölur félaganna voru hærri hér á landi en erlendis. Nú er því hins vegar öfugt farið. Flest þeirra félaga sem skráð eru hér á markað starfa einkum á heimamarkaði og eru lítið skuldsett,“ segir hann. Hann nefnir að íslenski hlutabréfamarkaðurinn hafi verið nokkuð flatur frá árinu 2015 sé litið til þróunar Úrvalsvísitölunnar. Hlutabréf einstakra félaga hafi risið og fallið í verði en markaðurinn í heild sé sennilega ekki yfirverðlagður. „Svo virðist sem markaðurinn hafi ekki náð sér almennilega á strik eftir hrun. Tiltrúin er minni en áður. Almenningur virðist ekki hafa leitað í hlutabréf í eins miklum mæli og það skýrir, tel ég, að miklu leyti af hverju markaðurinn hefur ekki hækkað mikið undanfarið,“ segir Ásgeir. Eggert Þór bendir á að hlutabréfamarkaðurinn vestanhafs hafi verið í mikilli uppsveiflu og helstu vísitölur hækkað um 20 til 25 prósent í fyrra. Þær hækkanir hafi þó ekki skilað sér hingað til lands. Nýjar vinnumarkaðstölur hafi hins vegar leitt til væntinga um aukna verðbólgu og frekari vaxtahækkanir. „Vaxtahækkunarferlið sem slíkt þarf ekki að hafa neikvæð áhrif á hlutabréfamarkaði, enda er það til marks um að efnahagslífið er sterkt. Hagnaður fyrirtækja erlendis er farinn að aukast á nýjan leik. En nú eru menn hins vegar farnir að horfa fram á hraðara vaxtahækkunarferli en áður og fjárfestar líta það ekki eins jákvæðum augum,“ segir Eggert Þór.Fréttin birtist fyrst í Markaðinum, fylgiriti Fréttablaðsins um viðskipti og fjármál. Mest lesið Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Matvöruverslun og íbúðir steinsnar frá Keflavíkurflugvelli Viðskipti innlent Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Dýrmætustu og sjaldgæfustu Mustang bílar landsins á afmælissýningu Mustang Samstarf Neytendur kunna að meta Landlaxinn og Landbleikjuna Samstarf Viljinn tekinn til gjaldþrotaskipta Viðskipti innlent Röntgen Domus og Orkuhúsið fá ekki að sameinast Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
Fjárfestar hér á landi brugðust í gær nokkuð harkalega við verðfallinu sem varð á alþjóðlegum hlutabréfamörkuðum, sér í lagi vestanhafs, í byrjun vikunnar. Hlutabréf allra félaganna sem skráð eru á markað, fyrir utan bréf Eimskips, féllu í verði og lækkaði úrvalsvísitala Kauphallarinnar um 1,15 prósent. Eggert Þór Aðalsteinsson, sérfræðingur í eignastýringu Kviku, segir að sú mikla lækkun sem varð á hlutabréfamörkuðum vestanhafs á mánudag hafi smitað út frá sér á íslenska hlutabréfamarkaðinn í gær. Auk þess standi ákveðnar líkur til þess að fjárfestar hafi innleyst hagnað í einhverjum mæli eftir sterkan janúarmánuð. „Hlutabréfamarkaðurinn hækkaði um sjö til átta prósent í janúar eftir magra tíð þar á undan. Þetta er næstbesti janúarmánuður á markaðinum frá hruni. Lækkunin í gær tengist óróanum á bandarískum mörkuðum með beinum hætti. En sé litið til næstu mánaða skiptir mestu máli, hvað íslenska hlutabréfamarkaðinn snertir, að við sjáum sterk uppgjör frá félögum í yfirstandandi uppgjörshrinu til þess að ýta undir frekari hækkanir hlutabréfa,“ segir hann.Hærri verðbólguvæntingar S&P 500 hlutabréfavísitalan lækkaði um 4,1 prósent á mánudag og er það mesta dagslækkun vísitölunnar í sex ár. Óróann má einkum rekja til nýrra atvinnutalna sem birtar voru í Bandaríkjunum á föstudag en þær gáfu til kynna að bandaríska hagkerfið, sér í lagi vinnumarkaðurinn, væri að taka betur við sér en fjárfestar höfðu gert ráð fyrir. Þannig hækkuðu laun í landinu um 3 prósent að meðaltali í janúarmánuði sem er mun meiri hækkun en greinendur höfðu spáð. Í kjölfarið snarhækkaði ávöxtunarkrafa bandarískra ríkisskuldabréfa en hækkunin endurspeglar væntingar fjárfesta um aukna verðbólgu og frekari vaxtahækkanir Seðlabanka Bandaríkjanna. Vextir vestanhafs hafa verið í sögulegu lágmarki um nokkurra ára skeið. „Fjárfestar virðast hafa komist að þeirri niðurstöðu að bandaríska hagkerfið sé nálægt því að ofhitna og þess vegna sé hættan af aukinni verðbólgu meiri en hættan af því að kreppa skelli á,“ segir Torsten Slok, aðalhagfræðingur Deutsche Bank, í samtali við Financial Times. Aukin hætta á verðbólgu kalli á hærri stýrivexti.Eggert Þór Aðalsteinsson, sérfræðingur í eignastýringu KvikuÁhrifanna af verðfallinu gætti víðar um heim. Þannig hríðféll japanska hlutabréfavísitalan Nikkei 225 um 5 prósent í gær og hlutabréfavísitölur í Evrópu tóku auk þess dýfu. Þannig lækkaði FTSE 100 vísitalan í Lundúnum um 1,7 prósent og Dax 30 vísitalan í Frankfurt fór niður um tvö prósent. Hérlendur hlutabréfamarkaður fór heldur ekki varhluta af lækkununum, eins og áður sagði. Viðmælendur Markaðarins benda á að eftir að gjaldeyrishöftum var aflétt á síðasta ári sé Ísland ekki lengur eyland. Allar hræringar á erlendum mörkuðum hafi áhrif á íslensk félög, í mismiklum mæli þó.Ásgeir Jónsson, dósent í hagfræði við Háskóla ÍslandsEkki náð sér á strik Ásgeir Jónsson, dósent í hagfræði við Háskóla Íslands, segir íslenska hlutabréfamarkaðinn ólíkan því sem hann var á árunum fyrir hrun. „Á þeim tíma voru íslensku félögin mjög skuldsett og var það regla fremur en undantekning að verðkennitölur félaganna voru hærri hér á landi en erlendis. Nú er því hins vegar öfugt farið. Flest þeirra félaga sem skráð eru hér á markað starfa einkum á heimamarkaði og eru lítið skuldsett,“ segir hann. Hann nefnir að íslenski hlutabréfamarkaðurinn hafi verið nokkuð flatur frá árinu 2015 sé litið til þróunar Úrvalsvísitölunnar. Hlutabréf einstakra félaga hafi risið og fallið í verði en markaðurinn í heild sé sennilega ekki yfirverðlagður. „Svo virðist sem markaðurinn hafi ekki náð sér almennilega á strik eftir hrun. Tiltrúin er minni en áður. Almenningur virðist ekki hafa leitað í hlutabréf í eins miklum mæli og það skýrir, tel ég, að miklu leyti af hverju markaðurinn hefur ekki hækkað mikið undanfarið,“ segir Ásgeir. Eggert Þór bendir á að hlutabréfamarkaðurinn vestanhafs hafi verið í mikilli uppsveiflu og helstu vísitölur hækkað um 20 til 25 prósent í fyrra. Þær hækkanir hafi þó ekki skilað sér hingað til lands. Nýjar vinnumarkaðstölur hafi hins vegar leitt til væntinga um aukna verðbólgu og frekari vaxtahækkanir. „Vaxtahækkunarferlið sem slíkt þarf ekki að hafa neikvæð áhrif á hlutabréfamarkaði, enda er það til marks um að efnahagslífið er sterkt. Hagnaður fyrirtækja erlendis er farinn að aukast á nýjan leik. En nú eru menn hins vegar farnir að horfa fram á hraðara vaxtahækkunarferli en áður og fjárfestar líta það ekki eins jákvæðum augum,“ segir Eggert Þór.Fréttin birtist fyrst í Markaðinum, fylgiriti Fréttablaðsins um viðskipti og fjármál.
Mest lesið Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Matvöruverslun og íbúðir steinsnar frá Keflavíkurflugvelli Viðskipti innlent Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Dýrmætustu og sjaldgæfustu Mustang bílar landsins á afmælissýningu Mustang Samstarf Neytendur kunna að meta Landlaxinn og Landbleikjuna Samstarf Viljinn tekinn til gjaldþrotaskipta Viðskipti innlent Röntgen Domus og Orkuhúsið fá ekki að sameinast Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira