Körfubolti

Hildur Björg stigahæst í tapi

Arnar Geir Halldórsson skrifar
Hildur Björg í leik með íslenska landsliðinu
Hildur Björg í leik með íslenska landsliðinu vísir/ernir
Íslenska landsliðskonan Hildur Björg Kjartansdóttir fór mikinn með liði sínu Leganes Laboratorios í spænsku B-deildinni í körfubolta í kvöld.

Hildur Björg skoraði þrettán stig auk þess sem hún hirti sex fráköst en hún var stigaæsti leikmaður Leganes.

Framlag hennar dugði þó ekki til sigurs því leiknum lauk með sjö stiga sigri Adelantados, 61-54.

Leganes Laboratorios er eftir sem áður í 2.sæti deildarinnar og á góðan möguleika á að vinna sér inn sæti í efstu deild á næstu leiktíð.




Fleiri fréttir

Sjá meira


×