Körfubolti

Haukar unnu Snæfell í æsispennandi leik

Dagur Lárusson skrifar
Dýrfinna skoraði 25 stig í dag.
Dýrfinna skoraði 25 stig í dag. vísir/getty
Whitney Michelle Frazier skoraði 28 stig í sigri Hauka á Snæfelli í æsispennandi leik í Dominos deild kvenna í dag.

Það voru Haukar sem byrjuðu leikinn betur og voru yfir eftir 1.leikhluta 22-14. En í 2.leikhluta tók Snæfell við sér og var búið að jafna leikinn áður en flautað var til leikhlés og var staðan þá 38-38.

Leikurinn var hnífjafn allt til loka og skiptust liðin á að vera með forystuna en það var að lokum Haukar sem unnu en leikurinn fór 79-77

Kristen McCarthy var stigahæst í liði Snæfells með 34 stig en Rebekka Rún var næst á eftir henni með 11 stig. Stigahæst í liði Hauka var Whitney Michelle Frazier með 28 stig en Dýrfinna Arnardóttir var næst á eftir henni með 25 stig.




Fleiri fréttir

Sjá meira


×