Greinendur spá því að hlutabréfamarkaðurinn taki við sér Kristinn Ingi Jónsson skrifar 17. janúar 2018 11:30 Búast má við því að samanlögð afkoma skráðra félaga í Kauphöllinni batni umtalsvert á þessu ári. Vísir/Stefán Greinendur IFS og Landsbankans búast við því að hlutabréfamarkaðurinn taki við sér í ár eftir tveggja ára lækkun. Sé tekið mið af verðmötum IFS gæti markaðurinn hækkað um 30 prósent á þessu ári en hagfræðideild Landsbankans gerir ráð fyrir „hóflegri“ hækkun. Mikil óvissa sé þó fyrir hendi og þá aðallega vegna mögulegrar uppsagnar á kjarasamningum í næsta mánuði. Sérfræðingar Landsbankans telja líkur á því að samanlagður hagnaður félaga á aðallista Kauphallarinnar muni aukast á árinu eftir að hafa dregist saman í fyrra. Sterkar rekstrarundirstöður flestra skráðra félaga muni þannig verða drifkrafturinn að hlutabréfahækkunum. Er gert ráð fyrir að samanlagðar tekjur skráðra félaga vaxi um 12 prósent á árinu, EBITDA (rekstrarhagnaður fyrir afskriftir, fjármagnsliði og skatta) hækki einnig um 12 prósent og hagnaður aukist um 24 prósent. Munar þar mestu um mögulegan afkomubata hjá Icelandair Group og Högum, en afkoma félaganna í fyrra olli fjárfestum og greinendum umtalsverðum vonbrigðum. Aðrir drifkraftar hlutabréfahækkana á þessu ári, að mati Landsbankans, er áframhaldandi áhugi erlendra fjárfesta á íslenskum hlutabréfum, góðar hagvaxtarhorfur og jafnvægi á gengi krónunnar, svo nokkur dæmi séu nefnd. Og jafnvel þótt lífeyrissjóðirnir hafi ekki verið virkir á hlutabréfamarkaði í fyrra telja greinendur bankans að minnkandi spurn eftir sjóðsfélagalánum, ásamt hagstæðri verðlagningu á markaðinum, geti breytt þeirri stefnu snögglega. Til viðbótar við óvissu í kjaramálum telja sérfræðingar Landsbankans að flæðisvandi muni áfram hrjá hlutabréfamarkaðinn, sér í lagi á fyrri hluta ársins. Flæði inn á markaðinn hafi verið lítið í fyrra og fyrirhugaðar skráningar Arion banka og Heimavalla á markað, sala á stórum hlut í Eimskipi og auknar erlendar fjárfestingar lífeyrissjóðanna muni ekki hjálpa til á þessu ári.Hlutabréf í Marel eru töluvert undirverðlögð að mati greinenda. Árni Oddur Þórðarson er forstjóri Marels.Vísir/ValliMarel enn undirverðlagt Greinendur IFS telja að hlutabréf í Icelandair Group, Marel, Eimskipi og fasteignafélögunum Eik og Regin geti gefið hvað mest af sér á árinu. Hvað varðar Icelandair Group benda þeir á að miðað við væntingar fluggeirans erlendis og erlendra greinenda, þá megi búast við því að meðalverð á farþega verði 1 til 2 prósentum hærra en í síðasta verðmati IFS frá því í nóvember. Styrking evrunnar gagnvart Bandaríkjadalnum geti einnig haft jákvæð áhrif á félagið, bæði rekstrarlega og fjárfestingalega. Marel er auk þess verulega undirverðlagt á markaði ef miðað er við verðmat IFS á félaginu. Sérfræðingar IFS telja að gengi hlutabréfa í félaginu ætti að fara yfir 450 krónur á hlut og enda í um 490 krónum á hlut á næstu 12 til 18 mánuðum, ef miðað er við gengið 125 krónur á evru. Til samanburðar er gengi bréfanna nú 340 krónur á hlut. Hagfræðideild Landsbankans bendir aukinheldur á að þó svo að hlutabréfin hafi hækkað um 34 prósent í verði í fyrra hafi þau lækkað um 13,8 prósent frá hæsta gildi án teljandi breytinga á undirstöðurekstri félagsins. Landsbankinn mælir með yfirvigt í hlutabréfum Marels, Eimskips og fasteignafélaganna Eikar, Regins og Reita en undirvigt í hlutabréfum fjarskipta- og tæknifélaga. Sérfræðingar bankans taka fram að samtals hafi hlutabréf fasteignafélaganna lækkað – markaðsvegið – um 4,2 prósent í fyrra, þrátt fyrir um 20 prósenta hækkun fram að maímánuði. „Lækkunin á sér stað þrátt fyrir þrjár vaxtalækkanir á árinu, hækkandi lánshæfi ríkisins, einkaneyslu í nýjum hæðum og þá staðreynd að horfur félaganna fyrir árið 2017 voru svo gott sem óbreyttar allt árið,“ segir hagfræðideildin. Hvað varðar fjarskiptafélögin, Símann og Vodafone, telja greinendur Landsbankans að þau muni ekki leiða hækkunina í Kauphöllinni í ár. Félögin hafi hækkað mikið í verði í fyrra og búið sé að verðleggja 365 inn í verð Vodafone að miklu leyti. Koma þurfi til frekari fregnir og staðfestingar á að sameining 365 og Vodafone hafi gengið framar vonum til þess að réttlæta frekari hækkun á bréfunum. Slíkrar staðfestingar sé líklega ekki að vænta fyrr en undir lok ársins eða jafnvel í byrjun árs 2019.Fréttin birtist fyrst í Markaðinum, fylgiriti Fréttablaðsins um viðskipti og fjármál. Mest lesið „Fólk heldur kannski að það sé saklaust að kaupa eina falsaða tösku“ Atvinnulíf Háttsemi dómara ekki saknæm og Isavia fær því enga milljarða Viðskipti innlent Mímir nýr forstöðumaður hjá Högum Viðskipti innlent Aukið öryggi í bílaviðskiptum á netinu – Bland og Frágangur í samstarf Samstarf Yfir milljón farþegar fyrstu fjóra mánuði ársins Viðskipti innlent Neytendur kunna að meta Landlaxinn og Landbleikjuna Samstarf Dýrmætustu og sjaldgæfustu Mustang bílar landsins á afmælissýningu Mustang Samstarf Krökkunum finnst hálf hallærislegt að mamman kunni Friends þættina utan að Atvinnulíf Matvöruverslun og íbúðir steinsnar frá Keflavíkurflugvelli Viðskipti innlent Þarf að greiða kortareikninginn og meira til í málskostnað Neytendur Fleiri fréttir Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Sjá meira
Greinendur IFS og Landsbankans búast við því að hlutabréfamarkaðurinn taki við sér í ár eftir tveggja ára lækkun. Sé tekið mið af verðmötum IFS gæti markaðurinn hækkað um 30 prósent á þessu ári en hagfræðideild Landsbankans gerir ráð fyrir „hóflegri“ hækkun. Mikil óvissa sé þó fyrir hendi og þá aðallega vegna mögulegrar uppsagnar á kjarasamningum í næsta mánuði. Sérfræðingar Landsbankans telja líkur á því að samanlagður hagnaður félaga á aðallista Kauphallarinnar muni aukast á árinu eftir að hafa dregist saman í fyrra. Sterkar rekstrarundirstöður flestra skráðra félaga muni þannig verða drifkrafturinn að hlutabréfahækkunum. Er gert ráð fyrir að samanlagðar tekjur skráðra félaga vaxi um 12 prósent á árinu, EBITDA (rekstrarhagnaður fyrir afskriftir, fjármagnsliði og skatta) hækki einnig um 12 prósent og hagnaður aukist um 24 prósent. Munar þar mestu um mögulegan afkomubata hjá Icelandair Group og Högum, en afkoma félaganna í fyrra olli fjárfestum og greinendum umtalsverðum vonbrigðum. Aðrir drifkraftar hlutabréfahækkana á þessu ári, að mati Landsbankans, er áframhaldandi áhugi erlendra fjárfesta á íslenskum hlutabréfum, góðar hagvaxtarhorfur og jafnvægi á gengi krónunnar, svo nokkur dæmi séu nefnd. Og jafnvel þótt lífeyrissjóðirnir hafi ekki verið virkir á hlutabréfamarkaði í fyrra telja greinendur bankans að minnkandi spurn eftir sjóðsfélagalánum, ásamt hagstæðri verðlagningu á markaðinum, geti breytt þeirri stefnu snögglega. Til viðbótar við óvissu í kjaramálum telja sérfræðingar Landsbankans að flæðisvandi muni áfram hrjá hlutabréfamarkaðinn, sér í lagi á fyrri hluta ársins. Flæði inn á markaðinn hafi verið lítið í fyrra og fyrirhugaðar skráningar Arion banka og Heimavalla á markað, sala á stórum hlut í Eimskipi og auknar erlendar fjárfestingar lífeyrissjóðanna muni ekki hjálpa til á þessu ári.Hlutabréf í Marel eru töluvert undirverðlögð að mati greinenda. Árni Oddur Þórðarson er forstjóri Marels.Vísir/ValliMarel enn undirverðlagt Greinendur IFS telja að hlutabréf í Icelandair Group, Marel, Eimskipi og fasteignafélögunum Eik og Regin geti gefið hvað mest af sér á árinu. Hvað varðar Icelandair Group benda þeir á að miðað við væntingar fluggeirans erlendis og erlendra greinenda, þá megi búast við því að meðalverð á farþega verði 1 til 2 prósentum hærra en í síðasta verðmati IFS frá því í nóvember. Styrking evrunnar gagnvart Bandaríkjadalnum geti einnig haft jákvæð áhrif á félagið, bæði rekstrarlega og fjárfestingalega. Marel er auk þess verulega undirverðlagt á markaði ef miðað er við verðmat IFS á félaginu. Sérfræðingar IFS telja að gengi hlutabréfa í félaginu ætti að fara yfir 450 krónur á hlut og enda í um 490 krónum á hlut á næstu 12 til 18 mánuðum, ef miðað er við gengið 125 krónur á evru. Til samanburðar er gengi bréfanna nú 340 krónur á hlut. Hagfræðideild Landsbankans bendir aukinheldur á að þó svo að hlutabréfin hafi hækkað um 34 prósent í verði í fyrra hafi þau lækkað um 13,8 prósent frá hæsta gildi án teljandi breytinga á undirstöðurekstri félagsins. Landsbankinn mælir með yfirvigt í hlutabréfum Marels, Eimskips og fasteignafélaganna Eikar, Regins og Reita en undirvigt í hlutabréfum fjarskipta- og tæknifélaga. Sérfræðingar bankans taka fram að samtals hafi hlutabréf fasteignafélaganna lækkað – markaðsvegið – um 4,2 prósent í fyrra, þrátt fyrir um 20 prósenta hækkun fram að maímánuði. „Lækkunin á sér stað þrátt fyrir þrjár vaxtalækkanir á árinu, hækkandi lánshæfi ríkisins, einkaneyslu í nýjum hæðum og þá staðreynd að horfur félaganna fyrir árið 2017 voru svo gott sem óbreyttar allt árið,“ segir hagfræðideildin. Hvað varðar fjarskiptafélögin, Símann og Vodafone, telja greinendur Landsbankans að þau muni ekki leiða hækkunina í Kauphöllinni í ár. Félögin hafi hækkað mikið í verði í fyrra og búið sé að verðleggja 365 inn í verð Vodafone að miklu leyti. Koma þurfi til frekari fregnir og staðfestingar á að sameining 365 og Vodafone hafi gengið framar vonum til þess að réttlæta frekari hækkun á bréfunum. Slíkrar staðfestingar sé líklega ekki að vænta fyrr en undir lok ársins eða jafnvel í byrjun árs 2019.Fréttin birtist fyrst í Markaðinum, fylgiriti Fréttablaðsins um viðskipti og fjármál.
Mest lesið „Fólk heldur kannski að það sé saklaust að kaupa eina falsaða tösku“ Atvinnulíf Háttsemi dómara ekki saknæm og Isavia fær því enga milljarða Viðskipti innlent Mímir nýr forstöðumaður hjá Högum Viðskipti innlent Aukið öryggi í bílaviðskiptum á netinu – Bland og Frágangur í samstarf Samstarf Yfir milljón farþegar fyrstu fjóra mánuði ársins Viðskipti innlent Neytendur kunna að meta Landlaxinn og Landbleikjuna Samstarf Dýrmætustu og sjaldgæfustu Mustang bílar landsins á afmælissýningu Mustang Samstarf Krökkunum finnst hálf hallærislegt að mamman kunni Friends þættina utan að Atvinnulíf Matvöruverslun og íbúðir steinsnar frá Keflavíkurflugvelli Viðskipti innlent Þarf að greiða kortareikninginn og meira til í málskostnað Neytendur Fleiri fréttir Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Sjá meira