Innlent

Færeyskum fiskiskipum óheimilt að veiða innan íslenskrar lögsögu

Ingvar Þór Björnsson skrifar
Frá Þórshöfn í Færeyjum. Um níutíu prósent kolmunnaafla Ísland er veiddur í færeyskri lögsögu.
Frá Þórshöfn í Færeyjum. Um níutíu prósent kolmunnaafla Ísland er veiddur í færeyskri lögsögu. Vísir/GVA
Kristján Þór Júlíusson, sjávarútvegs- og landbúnaðarráðherra, hefur ákveðið að fella úr gildi allar heimildir færeyskra fiskiskipa til að stunda veiðar innan íslenskrar lögsögu á næsta ári. Á árlegum fundi sjávarútvegsráðherra landanna náðist ekki samkomulag í málaflokknum.

Eins og greint var frá í gær sigldu samningaviðræður um gagnkvæmar fiskveiðar innan efnahagssögu landanna í strand að hluta. Fundað var um málið í atvinnuveganefnd í kjölfarið.

Kristján Þór og Høgni Hoydal, sjávarútvegsráðherra Færeyja, hittust á árlegum fundi sem haldinn var í Þórshöfn í Færeyjum 12. – 13. desember. Ekki náðist samkomulag á fundinum um veiðiheimildir Færeyinga í íslenskri lögsögu og um gagnkvæman aðgang að lögsögum ríkjanna vegna veiða á kolmunna og norsk-íslenskri síld árið 2018.

Ísland lagði fram óbreyttan samning en Færeyjar kröfðust aukinna heimilda til veiða á botnfiski í íslenskri lögsögu ásamt afléttingu takmarkana á manneldisvinnslu á loðnu.  Áform ráðherra voru kynnt færeyskum stjórnvöldum fyrir jól eftir að Færeyjar höfðu tilkynnt að íslensk  fiskiskip fengju ekki aðgang til veiða á kolmunna í færeyskri lögsögu nema að kröfum þeirra yrði gengið. Ákvörðun ráðherra hefur sömuleiðis verið kynnt færeyskum stjórnvöldum.

Tæp níutíu prósent kolmunnaafla Ísland er veiddur í færeyskri lögsögu.




Fleiri fréttir

Sjá meira


×