Viðskipti innlent

Dýrari vörur og stærri körfur fyrir jólin í ár

Kristín Ólafsdóttir skrifar
Frá miðbæ Reykjavíkur á Þorláksmessu þar sem margir hafa eflaust verslað síðustu jólagjafirnar.
Frá miðbæ Reykjavíkur á Þorláksmessu þar sem margir hafa eflaust verslað síðustu jólagjafirnar. Vísir/Eyþór

Forstöðumaður Rannsóknarseturs verslunarinnar, segir hin umtöluðu sous vide-tæki og þráðlaus heyrnartól hafa verið vinsælustu jólagjafirnar í ár. Neyslumynstur Íslendinga sé greinilega að breytast og þá virðast dýrari vörur hafa leynst undir trénu þessi jól en árin á undan.

Árni Sverrir Hafsteinsson, forstöðumaður Rannsóknarseturs verslunarinnar, var gestur í þættinum Reykjavík síðdegis á Bylgjunni í dag og ræddi jólaverslunina í ár. Hann segir kaupmenn hafa búist við vinsældum sous vide-tækja, sem seldust upp á mörgum stöðum fyrir jólin – en þó ekki öllum - og því birgt sig vel upp af tækjunum sjálfum. Aukahlutir, sem notaðir eru við sous vide-matargerð, lofttæmingarvélar og sérstakir pokar til matreiðslunnar, hafi hins vegar selst nær alveg upp.

Þráðlaus heyrnartól slógu einnig í gegn hjá Íslendingum í ár en mikil sala var á raftækjum fyrir jólin, eins og síðustu ár. Þá segir Árni neytendur hafa keypt fleiri og dýrari vörur nú en árin á undan.

„Það sem menn sáu helst var að það var stækkun á vörukörfum hjá einhverjum, menn voru kannski að kaupa meira, dýrari vörur mögulega. Dýrari útgáfu af samskonar vörum og áður, og þar var helst að nefna heyrnartól og slíkt,“ segir Árni.

„Svo var töluvert af fatnaði líka sem seldist sem var mögulega klassa ofar en hefur verið áður, en í sömu búðunum.

Sjá einnig: Jólagjafir fyrirtækjanna: Sous Vide-tæki, þrettándi mánuðurinn og vegleg gjafabréf

Koma Costco hafði sömu áhrif og Bónus á sínum tíma
Þá segir Árni að breytingar á því hvar fólk verslar, og hvernig, hafi verið sérstaklega áberandi í ár. Netverslun sé þar stærsti þátturinn, og þá samverkun netverslunar og verslananna sjálfra. Mikið sé til að mynda um það að viðskiptavinir kaupi vörur á netinu og sæki þær svo í beint í búðirnar, eða þá að fólk skoði vörur á netinu og kaupi svo í búðinni.

Stærstu viðbætur í íslenska verslun á árinu voru án alls vafa risarnir Costco og H&M. Árni segir verslanirnar hafa verkað hvetjandi á íslenska verslun en fordæmi eru spark í rassinn á íslenskri verslun? –costco og h&m bæði til landsins í ár

„Það virðist vera eins og það komi reglulega atburður í íslenskri verslun þar sem pressan verður meiri, bæði frá samkeppnisaðilum og neytendum sem verða þá duglegri í einhvern tíma að bera saman,“ segir Árni sem líkir innspýtingunni sem varð við komu verslunarrisanna við komu Bónuss á sínum tíma.

„Koma Costco er um margt líkt komu Bónus fyrir einverju síðan og Hagkaups þar á undan. Þá er í raun og veru eitthvað sem breytist og menn fara að fá ástæðu til að fara og reyna að vera skilvirkari og gera betur og endursemja við birgja og slíkt.“

Hlusta má á viðtalið við Árna í heild í spilaranum hér að neðan.


Tengdar fréttir

Djákni hefur ekki trú á vinsælli plastsuðu

Bók um eldunaraðferðina "sous vide“ er uppseld hjá útgefanda og tæki til plast­suðunnar voru vinsæl jólagjöf. Matgæðingar eru þó ekki á eitt sáttir um ágæti þessa og Guðmundur Brynjólfsson djákni telur skammlífa bólu á ferðinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MARL
0,13
8
145.800
HAGA
0
1
22.100

Mesta lækkun dagsins


Félag
Br.%
Fjöldi
Velta*
HEIMA
-3,42
12
58.006
ICEAIR
-1,9
20
128.721
EIK
-1,62
5
64.215
SKEL
-1,47
6
45.615
REGINN
-1,46
3
22.355