Viðskipti erlent

Statoil byggir upp nýtt olíusvæði í Barentshafi

Kristján Már Unnarsson skrifar
Teikning af vinnsluskipinu sem smíðað verður fyrir Johan Castberg-svæðið.
Teikning af vinnsluskipinu sem smíðað verður fyrir Johan Castberg-svæðið. Teikning/Statoil.

Norska ríkisolíufélagið Statoil hefur tilkynnt um 600 milljarða króna uppbyggingu á nýju olíuvinnslusvæði í Barentshafi, þess nyrsta í olíusögu Noregs. Litið er á ákvörðun Statoil sem táknræna yfirlýsingu um að olíukreppunni sé lokið þar í landi. Fjallað var um verkefnið í fréttum Stöðvar 2. 

Olíusvæðið kallast Johan Castberg og er um 240 kílómetra úti fyrir ströndum Norður-Noregs, mun norðar en Goliat og Mjallhvít, sem til þessa hafa verið nyrstu vinnslusvæði gas- og olíuiðnaðar Norðmanna.

Teikningin sýnir hvernig neðansjávarstöðvar á hafsbotni dæla olíunni úr jarðlögunum. Olíusvæðið er um 240 kílómetra norðvestur af Hammerfest. Teikning/Statoil.

Ákvörðun Statoil í síðustu viku um að leggja 49 milljarða norskra króna, andvirði 610 milljarða íslenskra, í uppbyggingu svæðisins var í norska ríkissjónvarpinu lýst sem gleðidegi í Norður-Noregi.

Hagsmunasamtök þjónustufyrirtækja heimamanna sögðu að strandbyggðir Norður-Noregs yrðu hin nýja gullströnd. Þetta yrði næst mesta olíuiðnaðaruppbygging í fimmtíu ára olíuævintýri Noregs, sem skapa myndi 500 ný ársverk í Finnmörk, og alls 1.700 á landsvísu. 

Á sama tíma brugðust umhverfisverndarsamtök hart við, og sögðu það algerlega galið að festa í sessi aukna losun gróðurhúsalofttegunda til næstu þrjátíu ára. Ákvörðun Statoil kemur aðeins fjórum vikum eftir að málaferli Greenpeace-samtakanna hófust gegn norsku ríkisstjórninni í því skyni að ógilda nýjar leyfisveitingar til enn frekari olíuleitar í Barentshafi.

Fallið var frá áformum um olíuhöfn í Veidnes í Norður-Noregi. Þangað átti að dæla olíunni um 280 kílómetra langa neðansjávarlögn frá Johan Castberg-svæðinu. Teikning/Statoil.

Lykillinn að þessari nýju fjárfestingu er að Statoil tókst að lækka verulega allan kostnað og áætlar félagið nú að ekki þurfi nema 35 dollara olíuverð til að Johan Castberg-svæðið standi undir sér. Í dag er verðið í kringum 60 dollarar á tunnuna. Í stað þess að leggja leiðslur til lands, eins og upphaflega var áætlað, verður olíunni dælt upp í vinnsluskip, sem sérstaklega verður smíðað fyrir verkefnið. 

Þessi fjárfesting Statoil er jafnframt túlkuð sem táknræn yfirlýsing um að kreppu norska olíuiðnaðarins, sem hófst með verðfalli olíu sumarið 2014, sé nú lokið. 

Hér má sjá frétt Stöðvar 2:


Tengdar fréttir

Fresta olíuhöfn í Norður-Noregi

Lagning neðansjávarleiðslu frá nýfundnum olíulindum í Barentshafi til lands í Norður-Noregi , ásamt byggingu nýrrar olíuhafnar við Honningsvåg, er of dýr.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
LEQ
2,72
2
50.132
GRND
2,6
18
572.518
ORIGO
2,46
4
220.664
HAGA
2,45
19
460.648
SIMINN
1,18
11
407.330

Mesta lækkun dagsins


Félag
Br.%
Fjöldi
Velta*
REGINN
-0,57
7
82.981
SKEL
-0,42
8
93.288
EIK
-0,38
11
291.320
EIM
0
4
24.252