Erlent

Hlýnunin á norðurskautinu fordæmalaus í 1.500 ár

Kjartan Kjartansson skrifar
Fjölær hafís á norðurskautinu er nú aðeins um fimmtungur af heildarísnum. Hlutfallið var um 45% á 9. áratug síðustu aldar.
Fjölær hafís á norðurskautinu er nú aðeins um fimmtungur af heildarísnum. Hlutfallið var um 45% á 9. áratug síðustu aldar. Vísir/AFP

Hafísinn á norðurskautinu hefur hopað meira undanfarin ár og áratugi en að minnsta kosti síðustu 1.450 árin á undan og yfirborðshiti þar hefur ekki hækkað hraðar í að minnsta kosti 2.000 ár. Þetta er á meðal niðurstaðna nýrrar skýrslu Haf- og loftslagsstofnunar Bandaríkjanna (NOAA.

Hlýnunin á norðurheimsskautinu hefur verið um það bil tvöfalt meiri en annars staðar á jörðinni og það hefur valdið miklum og hröðum breytingum á umhverfinu þar. Þar á meðal er hröð bráðnun Grænlandsjökuls og möguleg áhrif á veðurfar annars staðar á jörðinni.

Auk þess að hafa skroppið verulega saman að flatarmáli hefur hafísinn á norðurskautinu einnig orðið þynnri og skammlífari en áður. Ísinn lifir sjaldnast yfir sumarið og fram á næsta vetur eftir að hann myndast, að því er segir í umfjöllun Washington Post um skýrsluna.

„Norðurskautið er að ganga í gegnum fordæmalausustu breytingar í mannkynssögunni og við þurfum betri athuganir til þess að skilja og spá fyrir um hvernig þessar breytingar munu hafa áhrif á alla, ekki bara íbúa norðursins,“ sagði Jeremy Mathis, forstöðumaður norðurskautsrannsókna NOAA á fundi Bandaríska jarðvísindabandalagsins í gær.

NOAA gefur árlega út skýrslu um ástand norðurskautsins í hlýnandi heimi af völdum manna. Þetta er í fyrsta skipti sem slík skýrsla er gefin út eftir að Donald Trump tók við sem forseti Bandaríkjanna. Ríkisstjórn hans hefur afnumið aðgerðir í loftslagsmálum og stefnir að því að hætta þátttöku í Parísarsamkomulaginu.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.