Viðskipti erlent

Facebook breytir skattgreiðslum sínum

Daníel Freyr Birkisson skrifar
Mark Zuckerberg er stofnandi og forstjóri Facebook.
Mark Zuckerberg er stofnandi og forstjóri Facebook. Vísir/GETTY

Facebook hefur ákveðið að breyta tilhögun skattgreiðslna sinna og mun nú greiða skatt af auglýsingatekjum í því landi sem það auglýsir. Áður fyrr hafði fyrirtækið einungis greitt skatt í gegnum evrópsku höfuðstöðvar sínar á Írlandi. Fréttaveita BBC greinir frá.

Ákvörðunin hefur það ekki endilega í för með sér að skattgreiðslur fyrirtækisins hækki, en það greiddi einungis 5,1 milljón punda (714 milljónir króna) í tekjuskatt á síðasta ári, þrátt fyrir hagnað upp á 842 milljónir punda (118 milljarðar króna). Vandinn með stóru fyrirtækin er sá að erfitt er að áætla hver heildarhagnaður þeirra er. Facebook virðist því vera að reyna að styrkja almenningsálit sitt en mun ekki endilega greiða út hærri skatt, en þetta segir prófessor við Sheffield og Essex-háskóla í Bretlandi.

Töluverð gagnrýni hefur átt sér stað í garð tæknifyrirtækja sem hafa tekjur af því að halda úti vefsíðum á netinu þar sem að skattgreiðslur þeirra eru töluvert minni heldur en gengur og gerist. Framkvæmdastjórn Evrópusambandsins leggur nú drög að reglugerð sem kemur í veg fyrir að slík fyrirtæki getið komist undan hærri skattgreiðslum með því að staðsetja útibú sín í lágskattaríkjum.

Innleiðing breytinga Facebook hefst á næsta ári og er talið að henni ljúki endanlega árið 2019.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,36
17
275.207
SJOVA
1,84
10
199.050
SKEL
1,77
6
63.164
HAGA
1,54
3
88.184
MARL
1,41
15
696.082

Mesta lækkun dagsins


Félag
Br.%
Fjöldi
Velta*
LEQ
-1,02
3
63.406
REITIR
-0,83
9
178.768
HEIMA
-0,79
15
78.368
EIK
-0,53
4
52.325
GRND
-0,14
2
229