Grípum tækifærin þegar þau gefast Gunnþóra Gunnarsdóttir skrifar 23. nóvember 2017 10:45 Sinfóníuhljómsveit Norðurlands tekur að sér hvert stórverkefnið eftir annað. Mynd Auðunn Níelsson Nú er að verða árviss viðburður á Akureyri að her atvinnudansara komi frá Evrópu til að setja upp stórsýningu í Hofi með Sinfóníuhljómsveit Norðurlands. Í fyrra var það Hnotubrjóturinn eftir Tsjajkovskí sem sýndur var og að þessu sinni Þyrnirós eftir sama höfund.“ Þetta segir Þorvaldur Bjarni Þorvaldsson, framkvæmdastjóri sveitarinnar, kátur um ballettsýninguna sem verður flutt í Hofi næsta sunnudag og mánudag. „Það eru kannski ekki sömu dansarar og komu í fyrra en sami flokkur, St. Petersburg Festival Ballet. Svona nokkuð er hægt af því að það er gríðarlega mikill áhugi á sinfónískri tónlist og líka ballett hér fyrir norðan,“ útskýrir hann. Sinfóníuhljómsveit Norðurlands er skipuð hljóðfæraleikurum víða að en kjarninn er fyrir norðan, að sögn Þorvaldar. „Hvert verkefni hjá sveitinni er sérstakt og í þau er ráðið sérstaklega. Við grípum tækifærin þegar þau gefast og getum búið til verkefni þegar okkur sýnist af því að rekstrarformið er svona. Þess vegna hefur fólk verið að sjá okkur í Lord of the Rings og War of the Worlds og nú erum við að æfa Phantom of the Opera sem sýnt verður í febrúar. Við höfum líka verið að spila inn á kvikmyndir, í samvinnu við Atla Örvarsson tónskáld, það er orðinn hluti af starfsemi hljómsveitarinnar. Þannig hefur það verið síðan ég byrjaði 2015 og nú höfum við spilað inn á tíu myndir, þar af fjórar Hollywoodmyndir.“Þorvaldur Bjarni segir Norðlendinga meira en í meðallagi músíkalska.Auk þess að vera framkvæmdastjóri bregður Þorvaldur Bjarni stundum tónsprotanum á loft framan við sveitina. En núna kemur stjórnandinn frá Rússlandi. „Það er hluti af því sem gerir þetta svo spennandi að eftir að Menningarfélagið byrjaði að reka hljómsveitina höfum við verið að fá topp stjórnendur, Daníel Bjarnason, Petri Sakari og núna er það Vadim Nikitin.“ En hvernig ganga æfingar fyrir sig fyrst mannskapurinn býr bæði norðan og sunnan heiða? „Við erum með ágætt form á þeim. Æfum fyrir sunnan með þeim sem eru þar, svo kemur stjórnandinn norður og æfir hér og daginn fyrir tónleika er lokahnykkurinn tekinn með öllum þátttakendum. Hér er fólk orðið vant að vinna hratt.“ Fullbókað er á sýningarnar á Þyrnirós. „Ég er búinn að vera í viðburðabransanum lengi og get fullyrt að aðsóknin á tónleika hér er alveg með eindæmum, sérstaklega sinfóníska tónleika. Það var uppselt á alla tónleika Sinfóníu Norðurlands í fyrra og fullt var á sextán tónleikum í röð á þessu ári. Maður þarf bara að klípa sig. Hljómsveitin er náttúrlega að taka þátt í stórum sýningum eins og Lord of the Rings, þá voru þrennir tónleikar og bara í september á þessu ári tók sveitin þátt í átta viðburðum, sem er magnað og frábært fyrir hljóðfæraleikarana,“ segir Þorvaldur Bjarni. „Hof hefur haft gríðarlega góð áhrif á allt menningarlíf hér.“ Menning Mest lesið „Við erum öll byrjendur á einhverjum tímapunkti“ Lífið „Ég verð að komast til Japan“ Lífið Hvernig bíla eiga frambjóðendur? Bílablinda, lögregluleyfi og draumur um Volvo Lífið Sonurinn skírður Lífið „Ég dreg mig í hlé og fer bara og stofna kaffihús“ Lífið Bítið í beinni Lífið Gylfi og Alexandra eiga von á barni Lífið Bernard Hill er látinn Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Gefi raunsanna mynd af stefnumótahremmingum trans kvenna Bíó og sjónvarp Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Nú er að verða árviss viðburður á Akureyri að her atvinnudansara komi frá Evrópu til að setja upp stórsýningu í Hofi með Sinfóníuhljómsveit Norðurlands. Í fyrra var það Hnotubrjóturinn eftir Tsjajkovskí sem sýndur var og að þessu sinni Þyrnirós eftir sama höfund.“ Þetta segir Þorvaldur Bjarni Þorvaldsson, framkvæmdastjóri sveitarinnar, kátur um ballettsýninguna sem verður flutt í Hofi næsta sunnudag og mánudag. „Það eru kannski ekki sömu dansarar og komu í fyrra en sami flokkur, St. Petersburg Festival Ballet. Svona nokkuð er hægt af því að það er gríðarlega mikill áhugi á sinfónískri tónlist og líka ballett hér fyrir norðan,“ útskýrir hann. Sinfóníuhljómsveit Norðurlands er skipuð hljóðfæraleikurum víða að en kjarninn er fyrir norðan, að sögn Þorvaldar. „Hvert verkefni hjá sveitinni er sérstakt og í þau er ráðið sérstaklega. Við grípum tækifærin þegar þau gefast og getum búið til verkefni þegar okkur sýnist af því að rekstrarformið er svona. Þess vegna hefur fólk verið að sjá okkur í Lord of the Rings og War of the Worlds og nú erum við að æfa Phantom of the Opera sem sýnt verður í febrúar. Við höfum líka verið að spila inn á kvikmyndir, í samvinnu við Atla Örvarsson tónskáld, það er orðinn hluti af starfsemi hljómsveitarinnar. Þannig hefur það verið síðan ég byrjaði 2015 og nú höfum við spilað inn á tíu myndir, þar af fjórar Hollywoodmyndir.“Þorvaldur Bjarni segir Norðlendinga meira en í meðallagi músíkalska.Auk þess að vera framkvæmdastjóri bregður Þorvaldur Bjarni stundum tónsprotanum á loft framan við sveitina. En núna kemur stjórnandinn frá Rússlandi. „Það er hluti af því sem gerir þetta svo spennandi að eftir að Menningarfélagið byrjaði að reka hljómsveitina höfum við verið að fá topp stjórnendur, Daníel Bjarnason, Petri Sakari og núna er það Vadim Nikitin.“ En hvernig ganga æfingar fyrir sig fyrst mannskapurinn býr bæði norðan og sunnan heiða? „Við erum með ágætt form á þeim. Æfum fyrir sunnan með þeim sem eru þar, svo kemur stjórnandinn norður og æfir hér og daginn fyrir tónleika er lokahnykkurinn tekinn með öllum þátttakendum. Hér er fólk orðið vant að vinna hratt.“ Fullbókað er á sýningarnar á Þyrnirós. „Ég er búinn að vera í viðburðabransanum lengi og get fullyrt að aðsóknin á tónleika hér er alveg með eindæmum, sérstaklega sinfóníska tónleika. Það var uppselt á alla tónleika Sinfóníu Norðurlands í fyrra og fullt var á sextán tónleikum í röð á þessu ári. Maður þarf bara að klípa sig. Hljómsveitin er náttúrlega að taka þátt í stórum sýningum eins og Lord of the Rings, þá voru þrennir tónleikar og bara í september á þessu ári tók sveitin þátt í átta viðburðum, sem er magnað og frábært fyrir hljóðfæraleikarana,“ segir Þorvaldur Bjarni. „Hof hefur haft gríðarlega góð áhrif á allt menningarlíf hér.“
Menning Mest lesið „Við erum öll byrjendur á einhverjum tímapunkti“ Lífið „Ég verð að komast til Japan“ Lífið Hvernig bíla eiga frambjóðendur? Bílablinda, lögregluleyfi og draumur um Volvo Lífið Sonurinn skírður Lífið „Ég dreg mig í hlé og fer bara og stofna kaffihús“ Lífið Bítið í beinni Lífið Gylfi og Alexandra eiga von á barni Lífið Bernard Hill er látinn Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Gefi raunsanna mynd af stefnumótahremmingum trans kvenna Bíó og sjónvarp Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira