Mega krefjast bólusetninga

Skólayfirvöld eru í fullum rétti þegar þau gera bólusetningar að skilyrði fyrir skólavist barna. Þetta hefur stjórnlagadómstóll Ítalíu úrskurðað.

Samkvæmt nýjum lögum geta skólar neitað börnum inngöngu í skólana hafi þau ekki fengið algengustu bólusetningar barna. Dómstóllinn tók meðal annars mið af því að færri börn eru nú bólusett en áður.

Auk þess bendir dómstóllinn á að um sé að ræða landslög en ekki lög sem sett hafa verið í ákveðnu héraði en yfirvöld í héraðinu Veneto höfðu skotið málinu til hans.