Golf

Ólafía á fimm höggum undir pari eftir fyrsta hringinn

Ingvi Þór Sæmundsson skrifar
Ólafía lék hringinn í dag á fimm höggum undir pari.
Ólafía lék hringinn í dag á fimm höggum undir pari. vísir/getty

Ólafía Þórunn Kristinsdóttir lék einkar vel á fyrsta hring Indy Women in Tech Championship-mótsins sem fer fram í Indianapolis. Mótið er hluti af LPGA-mótaröðinni í golfi.

Ólafía lék hringinn í dag á fimm höggum undir pari og er þegar þetta er skrifað í 8.-16. sæti mótsins. Ekki hafa þó allir kylfingar lokið sér af.

Ólafía hóf leik á 10. holu. Hún fékk par á fyrstu tveimur holunum og svo skolla. Það reyndist vera eina höggið sem hú tapaði á hringnum.

Ólafía svaraði fyrir sig með fimm fuglum á næstu átta holum og kom sér í góða stöðu. Hún paraði svo sex holur í röð áður en hún fékk fugl á síðustu holunni.

Flott frammistaða hjá Ólafíu sem er greinilega í góðum gír þessa dagana. Hún spilaði ágætlega á móti í Portland um síðustu helgi þar sem hún endaði í 39. sæti. Það dugði Ólafíu til að komast inn á Evian Chapmionship-mótið, síðasta stórmót ársins, sem fer fram í næstu viku.

Ólafía verður aftur í eldlínunni á morgun. Bein útsending frá Indy Women in Tech-mótinu hefst klukkan 19:00 á Golfstöðinni.


Tengdar fréttir

Ólafía hefur leik í dag

Ólafía Þórunn Kristinsdóttir keppir á mikilvægu móti á LPGA-mótaröðinni í dag.

14 pör hjá Ólafíu í dag

Ólafía Þórunn Kristinsdóttir lék í dag lokahringinn á Cambia Portland Classic mótinu á LPGA mótaröðinni í golfi



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira