Jón Axel Guðmundsson verður ekki með íslenska karlalandsliðinu í sumar en þessi ungi bakvörður hjá Davidson-skólanum varð að draga sig út úr æfingahópnum.  

Jón Axel Guðmundsson er að jafna sig eftir meiðsli og þarf meiri tíma til að ná sér góðum. Hann mun því hvíla í sumar og reyna að ná sér góðum fyrir annan vetur sinn með Davidson.

Jón Axel stóð sig mjög vel á fyrsta ári með Davidson-skólanum og hann var líka öflugur í sínum fyrstu landsleikjum á Smáþjóðaleikunum í vor. Grindvíkingurinn skoraði þá 12,8 stig að meðaltali í þeim leikjum sem hann spilaði þar af 24 stig á móti Andorra.  Hann hvíldi í einum af leikjunum fimm.

Á morgun, fimmtudaginn 20. júlí, hefst formlegur undirbúningur landsliðs karla fyrir Eurobasket 2017, lokamót EM í körfuknattleik með upphafi æfinga. 24 leikmenn voru upprunalega boðaðir til leiks og verður fyrsta æfing  í Ásgarði í Garðabæ.

Tryggvi, Kári Jónsson og Kristinn Pálsson eru að keppa þessa dagana á EM með U20 ásamt Finni Frey þjálfara á Krít á Grikklandi og mæta til leiks í næstu viku, en liðið tryggði sér sæti í 8-liða úrslitum fyrr í dag með sigri á Svíum.

23 manna æfingahópur íslenska A-landsliðsins fyrir Eurobasket:

Axel Kárason · Tindastóll
Brynjar Þór Björnsson · KR                                 
Dagur Kár Jónsson · Grindavík                      
Elvar Már Friðriksson · Barry University, USA
Gunnar Ólafsson · St. Francis University, USA
Haukur Helgi Pálsson · Cholet Basket , Frakklandi
Hlynur Bæringsson · Stjarnan
Hörður Axel Vilhjálmsson · Keflavík
Jón Arnór Stefánsson · KR                               
Kári Jónsson · Drexel University, USA
Kristinn Pálsson · Marist University, USA
Kristófer Acox · KR
Logi Gunnarsson · Njarðvík
Martin Hermannsson · Châlon-Reims, Frakklandi
 Matthías Orri Sigurðarson · ÍR
Ólafur Ólafsson · Grindavík
Pavel Ermolinskij · KR
Pétur Rúnar Birgisson · Tindastóll
Ragnar Ágúst Nathanaelsson · Arcos Albacete, Spáni
 Sigtryggur Arnar Björnsson · Skallagrímur
Sigurður Gunnar Þorsteinsson · AE Larissa, Grikklandi
Tryggvi Snær Hlinason · Þór Akureyri
Ægir Þór Steinarsson · San Pablo Inmobiliaria Burgos, Spáni