Hvetur til sameiningar tæknifyrirtækja Kristinn Ingi Jónsson skrifar 6. júlí 2017 06:00 Áætlaður meðaltekjuvöxtur tæknifyrirtækja innan sjávarklasans var fimm til tíu prósent í fyrra samkvæmt skýrslu Íslenska sjávarklasans. vísir/eyþór Þór Sigfússon, stofnandi og stjórnarformaður Íslenska sjávarklasans, hvetur til aukinnar samvinnu og jafnvel sameiningar lítilla tæknifyrirtækja í sjávarútvegi. Hann segir mörg þessara fyrirtækja bjóða afburðalausnir en sökum smæðar sinnar eigi þau erfitt um vik að vaxa og hasla sér völl á erlendum mörkuðum. „Við sjáum gríðarleg tækifæri fyrir mörg þessara litlu tæknifyrirtækja til þess að auka samstarf sín á milli eða sameinast. Þau búa yfir afburðatækni og mikilli þekkingu en eðlilega standa þau nokkuð í stað vegna smæðarinnar. Þau hafa til dæmis ekki mikið bolmagn til þess að sinna markaðs- og kynningarmálum. Erlendir kaupendur óttast líka margir að þau geti ekki sinnt viðhaldi og þjónustu eins og vera ber,“ segir Þór í samtali við blaðið. Aukin samvinna fyrirtækjanna sé þeim afar mikilvæg ef þau hafi á annað borð áhuga á að vaxa frekar á komandi árum. Í nýrri skýrslu Íslenska sjávarklasans um stöðu tæknifyrirtækja sem þjóna sjávarútvegi kemur fram að einkum stóru tæknifyrirtækin, svo sem Marel, Hampiðjan, Skaginn 3X og Valka, hafi vaxið hröðum skrefum á undanförnum árum á meðan litlu fyrirtækin hafi í mesta lagi haldið í horfinu. Áætlað er að velta tæknifyrirtækja innan sjávarklasans hafi vaxið á bilinu fimm til tíu prósent í fyrra. Það er minni vöxtur en undanfarin ár en skýringuna má aðallega rekja til gengisstyrkingar krónunnar. Sum stór eða meðalstór tæknifyrirtæki juku veltu sína um þrjátíu til fjörutíu prósent á meðan minni fyrirtæki stóðu mörg hver í stað eða velta þeirra jafnvel dróst saman. Ætla má að heildarvelta tæknifyrirtækja í sjávarklasanum nálgist sjötíu milljarða króna.Þór Sigfússon, stofnandi og stjórnarformaður Íslenska sjávarklasansMestar áhyggjur fyrirtækjanna snúa að sterku gengi krónunnar, en mörg fyrirtækjanna eru með bróðurpart veltu sinnar í erlendri mynt. Samkeppnisstaða þeirra hafi af þeim sökum beðið hnekki. Þór bendir auk þess á að staða helstu viðskiptavina fyrirtækjanna hafi veikst vegna krónunnar. Versnandi afkoma með sterkara gengi sé til dæmis líkleg til þess að draga verulega úr fjárfestingum sjávarútvegsfyrirtækja í nýrri tækni og búnaði. Á móti komi að mörg tæknifyrirtækjanna, sér í lagi þau stærri, hafi eflst mjög á síðustu árum og bjóði lausnir sem séu að fullu samkeppnishæfar. Þannig hafi þeim tekist að viðhalda góðri samkeppnisstöðu á alþjóðlegum mörkuðum, þrátt fyrir sterkari krónu. „Það er auðvitað ánægjulegt á tímum sterkrar krónu,“ segir Þór. Í skýrslunni kemur auk þess fram að mörg tæknifyrirtæki hafi víkkað út starfsemi sína og sinni nú í auknum mæli annarri matvælaframleiðslu. Fyrirtæki sem áður sinntu einungis sjávarútvegi bjóði nú sérstakar lausnir fyrir til dæmis kjúklinga- og svínaiðnaðinn. Sömu sögu sé að segja af vaxandi þjónustu tæknifyrirtækja við fiskeldi. Þór segir að mikil tækifæri felist í því fyrir íslensk tæknifyrirtæki að víkka með þessum hætti starfsemi sína út. Það krefjist þess þó að fyrirtækin auki samvinnu sín á milli, meðal annars í gegnum Íslandsstofu. Skaginn velti 4,3 milljörðum króna í fyrraVelta hátæknifyrirtækisins Skagans, sem selur tækjabúnað fyrir matvælaiðnaðinn, einkum fiskvinnslu, jókst um 42 prósent í fyrra og nam um 4,32 milljörðum króna. Hagnaður fyrirtækisins dróst saman um eitt hundrað milljónir á árinu og nam 248,4 milljónum króna og þá var EBITDA, þ.e. rekstrarhagnaður fyrir afskriftir, fjármagnsliði og skatta, 409,3 milljónir króna, samkvæmt nýbirtum ársreikningi fyrirtækisins. Eignir fyrirtækisins voru 1,8 milljarðar í lok síðasta árs en þær jukust um 26 prósent á milli ára. Var eiginfjárhlutfallið 29,4% í árslok. Meðalfjöldi stöðugilda var 84 á árinu. Skaginn er í eigu félagsins I.Á. Hönnunar sem er að öllu leyti í eigu Ingólfs Árnasonar, framkvæmdastjóra og stofnanda fyrirtækisins. Fær félagið greiddar 250 milljónir króna í arð í ár. Fyrr á árinu var tilkynnt um að fyrirtækin Skaginn, 3X Technology ásamt Þorgeiri og Ellert verði í framtíðinni kynnt undir sameiginlegu vörumerki, Skaginn 3X. Birtist í Fréttablaðinu Mest lesið Dagar Workplace eru taldir Viðskipti erlent Forstjóri Play íhugar að fljúga frekar til Íslands en frá Viðskipti innlent Greiðsluáskorun Samstarf Base parking gjaldþrota Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Þjónusturof hjá alþjóðlegum birgja Viðskipti innlent Starfsfólk fær 150 milljónir í hlutabréfum Viðskipti innlent Ætlar að gera Grillhúsið að heitasta staðnum í Borgarnesi Viðskipti innlent Samkaup, Heimkaup og Orkan hefja samrunaviðræður Viðskipti innlent Fleiri fréttir Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Hagnaðist um tæpa ellefu milljarða þrátt slæman búskap Miklar verðbólguvæntingar halda vöxtunum uppi Gera þrjátíu til fjörutíu kaupsamninga á hverjum degi Áhorf á Eurovision hríðfellur Aukið atvinnuleysi Sjá meira
Þór Sigfússon, stofnandi og stjórnarformaður Íslenska sjávarklasans, hvetur til aukinnar samvinnu og jafnvel sameiningar lítilla tæknifyrirtækja í sjávarútvegi. Hann segir mörg þessara fyrirtækja bjóða afburðalausnir en sökum smæðar sinnar eigi þau erfitt um vik að vaxa og hasla sér völl á erlendum mörkuðum. „Við sjáum gríðarleg tækifæri fyrir mörg þessara litlu tæknifyrirtækja til þess að auka samstarf sín á milli eða sameinast. Þau búa yfir afburðatækni og mikilli þekkingu en eðlilega standa þau nokkuð í stað vegna smæðarinnar. Þau hafa til dæmis ekki mikið bolmagn til þess að sinna markaðs- og kynningarmálum. Erlendir kaupendur óttast líka margir að þau geti ekki sinnt viðhaldi og þjónustu eins og vera ber,“ segir Þór í samtali við blaðið. Aukin samvinna fyrirtækjanna sé þeim afar mikilvæg ef þau hafi á annað borð áhuga á að vaxa frekar á komandi árum. Í nýrri skýrslu Íslenska sjávarklasans um stöðu tæknifyrirtækja sem þjóna sjávarútvegi kemur fram að einkum stóru tæknifyrirtækin, svo sem Marel, Hampiðjan, Skaginn 3X og Valka, hafi vaxið hröðum skrefum á undanförnum árum á meðan litlu fyrirtækin hafi í mesta lagi haldið í horfinu. Áætlað er að velta tæknifyrirtækja innan sjávarklasans hafi vaxið á bilinu fimm til tíu prósent í fyrra. Það er minni vöxtur en undanfarin ár en skýringuna má aðallega rekja til gengisstyrkingar krónunnar. Sum stór eða meðalstór tæknifyrirtæki juku veltu sína um þrjátíu til fjörutíu prósent á meðan minni fyrirtæki stóðu mörg hver í stað eða velta þeirra jafnvel dróst saman. Ætla má að heildarvelta tæknifyrirtækja í sjávarklasanum nálgist sjötíu milljarða króna.Þór Sigfússon, stofnandi og stjórnarformaður Íslenska sjávarklasansMestar áhyggjur fyrirtækjanna snúa að sterku gengi krónunnar, en mörg fyrirtækjanna eru með bróðurpart veltu sinnar í erlendri mynt. Samkeppnisstaða þeirra hafi af þeim sökum beðið hnekki. Þór bendir auk þess á að staða helstu viðskiptavina fyrirtækjanna hafi veikst vegna krónunnar. Versnandi afkoma með sterkara gengi sé til dæmis líkleg til þess að draga verulega úr fjárfestingum sjávarútvegsfyrirtækja í nýrri tækni og búnaði. Á móti komi að mörg tæknifyrirtækjanna, sér í lagi þau stærri, hafi eflst mjög á síðustu árum og bjóði lausnir sem séu að fullu samkeppnishæfar. Þannig hafi þeim tekist að viðhalda góðri samkeppnisstöðu á alþjóðlegum mörkuðum, þrátt fyrir sterkari krónu. „Það er auðvitað ánægjulegt á tímum sterkrar krónu,“ segir Þór. Í skýrslunni kemur auk þess fram að mörg tæknifyrirtæki hafi víkkað út starfsemi sína og sinni nú í auknum mæli annarri matvælaframleiðslu. Fyrirtæki sem áður sinntu einungis sjávarútvegi bjóði nú sérstakar lausnir fyrir til dæmis kjúklinga- og svínaiðnaðinn. Sömu sögu sé að segja af vaxandi þjónustu tæknifyrirtækja við fiskeldi. Þór segir að mikil tækifæri felist í því fyrir íslensk tæknifyrirtæki að víkka með þessum hætti starfsemi sína út. Það krefjist þess þó að fyrirtækin auki samvinnu sín á milli, meðal annars í gegnum Íslandsstofu. Skaginn velti 4,3 milljörðum króna í fyrraVelta hátæknifyrirtækisins Skagans, sem selur tækjabúnað fyrir matvælaiðnaðinn, einkum fiskvinnslu, jókst um 42 prósent í fyrra og nam um 4,32 milljörðum króna. Hagnaður fyrirtækisins dróst saman um eitt hundrað milljónir á árinu og nam 248,4 milljónum króna og þá var EBITDA, þ.e. rekstrarhagnaður fyrir afskriftir, fjármagnsliði og skatta, 409,3 milljónir króna, samkvæmt nýbirtum ársreikningi fyrirtækisins. Eignir fyrirtækisins voru 1,8 milljarðar í lok síðasta árs en þær jukust um 26 prósent á milli ára. Var eiginfjárhlutfallið 29,4% í árslok. Meðalfjöldi stöðugilda var 84 á árinu. Skaginn er í eigu félagsins I.Á. Hönnunar sem er að öllu leyti í eigu Ingólfs Árnasonar, framkvæmdastjóra og stofnanda fyrirtækisins. Fær félagið greiddar 250 milljónir króna í arð í ár. Fyrr á árinu var tilkynnt um að fyrirtækin Skaginn, 3X Technology ásamt Þorgeiri og Ellert verði í framtíðinni kynnt undir sameiginlegu vörumerki, Skaginn 3X.
Birtist í Fréttablaðinu Mest lesið Dagar Workplace eru taldir Viðskipti erlent Forstjóri Play íhugar að fljúga frekar til Íslands en frá Viðskipti innlent Greiðsluáskorun Samstarf Base parking gjaldþrota Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Þjónusturof hjá alþjóðlegum birgja Viðskipti innlent Starfsfólk fær 150 milljónir í hlutabréfum Viðskipti innlent Ætlar að gera Grillhúsið að heitasta staðnum í Borgarnesi Viðskipti innlent Samkaup, Heimkaup og Orkan hefja samrunaviðræður Viðskipti innlent Fleiri fréttir Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Hagnaðist um tæpa ellefu milljarða þrátt slæman búskap Miklar verðbólguvæntingar halda vöxtunum uppi Gera þrjátíu til fjörutíu kaupsamninga á hverjum degi Áhorf á Eurovision hríðfellur Aukið atvinnuleysi Sjá meira