Valdeflandi stuðningur fyrir konur á Gaza Magnea Marínósdóttir skrifar 9. maí 2017 13:36 Mariam vinnur fyrir kvennasamtökin Aisha sem beita sér fyrir mannréttindavernd kvenna og stúlkna. Ég hitti hana fyrst rétt eftir loftárásirnar á Gaza 2014. Þær loftárásir voru þær mannskæðustu sem gerðar hafa verið og manntjónið enn meira en í árásunum 2008-2009 og 2012. Ég undraði mig á jákvæðni og bjartsýni Mariams enda þurfti hún margoft að flýja heimili sitt sumarið 2014. Hún býr í Shejaiya-hverfinu sem varð fyrir hörðustu árásunum og fjöldi heimila þar var lagður í rúst. Ég spurði hana hvernig hún færi að því að halda í glaðværðina og jákvæðnina. Hún svaraði eitthvað á þessa leið: „Ég komst lífs af og hef ekkert annað val en að vera bjartsýn og glöð. Þannig sýni ég þakklæti mitt fyrir að vera lifandi.“ Svar hennar lýsir vel nálgun kvennasamtakanna Aisha sem merkir Lifandi. Í fyrsta sinn sem ég kom á skrifstofu samtakanna blasti við íslenski fáninn! Hann var gjöf frá Félaginu Ísland-Palestína sem hefur stutt starf samtakanna frá árinu 2010. Mariam og Reem Fraina veita samtökunum forstöðu og eru mjög þakklátar fyrir þann stuðning sem þær fá frá Íslandi. Hann er nýttur til að aðstoða konurnar sem til þeirra leita eða er vísað til þeirra. Flestar búa við erfiðar heimilis- eða fjölskylduaðstæður vegna ofbeldis eða fátæktar. Meira en 80% íbúa Gaza eru háðir mannúðaraðstoð frá stofnunum Sameinuðu þjóðanna og alþjóðlegum hjálparsamtökum svo af nógu er að taka. Aðstoðin sem Aisha veitir felst í að veita félagslegan stuðning, lagalega ráðgjöf til þeirra sem leita réttar síns og síðast en ekki síst möguleika á að læra og tileinka sér eitthvað nytsamlegt til að aflað eigin tekna. Konurnar geta lært iðn og að gera einfaldar viðskiptaáætlanir, markaðssetningu og fleira sem skiptir máli í rekstri. Með tónleikunum Konur á Gaza er sérstaklega verið að safna fyrir síðastnefnda þættinum.Amma heldur á lítilli stúlku sem fæddist daginn sem loftárásirnar hófust 2014. Þessar konur misstu hús sín og land í þeim loftárárásum en þær ásamt eiginmönnum og börnum hefðu verið með geitur og býflugur og framleiddu mjólk, osta og hunang. Fyrir utan að hafa misst heimili sitt höfðu þær misst allt sitt lífsviðurværi.Starfskonur Aisha eru líka meðvitaðar um mikilvægi sambandsins á milli líkama og sálar enda koma áhrif áfalla oftar en ekki fram í líkamlegum einkennum eins og svefnleysi, kvíða og þunglyndi. Þá skiptir engu hvort áfallið er að missa heimili sitt eða ástvini í loftárás eða vegna kynbundins ofbeldis. Konurnar í Aisha veita stöllum sínum margskonar sálrænan stuðning og kynna þær fyrir jóga, djúpöndun og fleiru sem tengir saman líkama og sál. Aisha samtökin eru líka málsvarar kvenréttinda á opinberum vettvangi og beita sér gegn kynbundu ofbeldi sem tala má um sem faraldur með rætur í menningu feðraveldisins. Það endurspeglast meðal annars í lagasetningu og viðhorfum löggæslu og dómskerfisins. Aisha hefur fengið karlmenn til liðs við sig í baráttunni auk þess að eiga samvinnu við önnur kvenréttindasamtök á Gaza og Vesturbakkanum. Það er á brattann að sækja ekki síst vegna hernámsins sem gerir það að verkum að kvenréttinda- og jafnréttismál eru ekki talin vera forgangsmál stjórnmálanna. Konurnar sem leita eða er vísað til Aisha eru margar brotnar á sál og líkama. Eftir að komast að hjá Aisha, sem annar ekki eftirspurn, er hægt að fullyrða að þær séu síður á flæðiskeri staddar enda er öllum konum og stúlkum mætt með umhyggjusemi, hlýju og glaðværð sem reyndar liggur í loftinu. Aisha leggur mikla áherslu á að bjóða konum ekki ölmusu heldur miðar aðstoðin að því að efla konurnar og gera þeim kleift að takast betur á við sinn veruleika og að leita réttar síns. Aisha er eins og örugg höfn þar sem konur geta byggt sig upp áður en þær sigla út aftur betur búnar en áður að takast á við lífsins ólgusjó.Konur í Aisha læra iðn, handverk og hvernig eigi að standa að eigin rekstri svo þær geti framfleytt sér og börnum sínum án eiginmanna.Það sem kemur manni alltaf jafn mikið á óvart er seiglan sem býr í fólkinu á Gaza. Það er þó ekki endalaust hægt að komast áfram á seiglunni og því er stuðningur við samtök eins og Aisha lífæð enda reiða samtökin sig eingöngu á utanaðkomandi stuðning. Aisha merkir Lifandi. Það sem samtökin þurfa er stuðningur til að halda þeim lifandi sem þangað leita og þjónar sama tilgangi og vatn og súrefni. Án vatns grær ekkert og án súrefnis deyr eldurinn. Magnea Marínósdóttir í Jerúsalem vinnur fyrir sænsku kvenna- og friðarsamtökin Kvinna till Kvinna. Hún er ein fárra sem hefur stöðu sinnar vegna heimild til að ferðast inn á Gaza og hefur margoft heimsótt kvennasamtökin Aisha síðustu ár. Allur aðgangseyrir tónleikanna Konur á Gaza sem haldnir eru í Háskólabíói miðvikudagskvöldið 10. maí kl. 20 renna til þeirra samtaka. Miða á fjáröflunartónleikanna má fá hér. Viltu birta grein á Vísi? Sendu okkur póst. Senda grein Mest lesið Jarðakaup í nýjum tilgangi Halla Hrund Logadóttir Skoðun Öll með? – 4.020 kr. hækkun fyrir skatt eftir 16 mánuði! Unnur Helga Óttarsdóttir Skoðun Samt kýs ég Katrínu Jökull Sólberg Auðunsson Skoðun Af auðvaldsmönnum og undirlægjuhætti Ester Hilmarsdóttir Skoðun Norska veiðistöðin Friðrik Erlingsson Skoðun Örlætisgerningur Vilhjálmur H. Vilhjálmsson Skoðun Köllum það réttu nafni: Fordóma Derek Terell Allen Skoðun Norskir herrar eða íslenskir? Þóra Bergný Guðmundsdóttir Skoðun Burt með pólitík á Bessastöðum Kristmundur Carter Skoðun „Almennings“ samgöngur? Bragi Gunnlaugsson Skoðun Skoðun Skoðun Af hverju bara hálft skref áfram? Gísli Rafn Ólafsson skrifar Skoðun Baldur í þágu mannúðar og samfélags Anna María Gunnarsdóttir skrifar Skoðun Hvar er Reykjavegur? Ari Trausti Guðmundsson skrifar Skoðun Af auðvaldsmönnum og undirlægjuhætti Ester Hilmarsdóttir skrifar Skoðun Hafðu áhrif á líf barna Ída Björg Unnarsdóttir skrifar Skoðun Stórbætum samgöngur Logi Einarsson skrifar Skoðun Norska veiðistöðin Friðrik Erlingsson skrifar Skoðun Köllum það réttu nafni: Fordóma Derek Terell Allen skrifar Skoðun Ótrúverðugt plan að annars góðum markmiðum Þorbjörg Sigríður Gunnlaugsdóttir skrifar Skoðun Formleg uppgjöf Hjörtur J. Guðmundsson skrifar Skoðun Örlætisgerningur Vilhjálmur H. Vilhjálmsson skrifar Skoðun Fjármunum veitt þangað sem neyðin er mest Diljá Mist Einarsdóttir skrifar Skoðun Sjálfbær framtíð Vestfjarða Sigríður Ólöf Kristjánsdóttir,Aðalsteinn Óskarsson skrifar Skoðun Burt með pólitík á Bessastöðum Kristmundur Carter skrifar Skoðun Náttúran njóti vafans, ótímabundið Bjarkey Olsen Gunnarsdóttir skrifar Skoðun Íþróttir fyrir öll, jöfnum og bætum leikinn Hólmfríður Sigþórsdóttir,Anna Þorsteinsdóttir skrifar Skoðun Nýr „loftslagsvænn“ iðnaður - neikvæð áhrif á lífríki og fiskveiðar Sæunn Júlía Sigurjónsdóttir skrifar Skoðun „Almennings“ samgöngur? Bragi Gunnlaugsson skrifar Skoðun Góður forseti G. Pétur Matthíasson skrifar Skoðun Hvers vegna Halla Tómasdóttir? Guðjón Sigurðsson skrifar Skoðun Heimildin sem hvarf úr frumvarpi matvælaráðherra Vala Árnadóttir skrifar Skoðun Sníða sér stakk eftir vexti Guðni Magnús Ingvason skrifar Skoðun Norskir herrar eða íslenskir? Þóra Bergný Guðmundsdóttir skrifar Skoðun Af hverju ertu að bjóða þig fram? Sigurður Ragnarsson skrifar Skoðun Við styðjum Guðmund Karl! Katrín Valdís Hjartardóttir,Andrea Bóel Bæringsdóttir,Guðbjörg Harpa Ingimundardóttir skrifar Skoðun Hagfræðin á Heimildinni Bjarnheiður Hallsdóttir skrifar Skoðun Hreinleikaþráin Bjarni Karlsson skrifar Skoðun Heimilisleysi blasir við öryrkjum Svanberg Hreinsson skrifar Skoðun Hvað getur Ísland gefið öðrum þjóðum? Gunnar Hersveinn skrifar Skoðun Veðrið, veskið og Íslendingurinn María Rut Kristinsdóttir skrifar Sjá meira
Mariam vinnur fyrir kvennasamtökin Aisha sem beita sér fyrir mannréttindavernd kvenna og stúlkna. Ég hitti hana fyrst rétt eftir loftárásirnar á Gaza 2014. Þær loftárásir voru þær mannskæðustu sem gerðar hafa verið og manntjónið enn meira en í árásunum 2008-2009 og 2012. Ég undraði mig á jákvæðni og bjartsýni Mariams enda þurfti hún margoft að flýja heimili sitt sumarið 2014. Hún býr í Shejaiya-hverfinu sem varð fyrir hörðustu árásunum og fjöldi heimila þar var lagður í rúst. Ég spurði hana hvernig hún færi að því að halda í glaðværðina og jákvæðnina. Hún svaraði eitthvað á þessa leið: „Ég komst lífs af og hef ekkert annað val en að vera bjartsýn og glöð. Þannig sýni ég þakklæti mitt fyrir að vera lifandi.“ Svar hennar lýsir vel nálgun kvennasamtakanna Aisha sem merkir Lifandi. Í fyrsta sinn sem ég kom á skrifstofu samtakanna blasti við íslenski fáninn! Hann var gjöf frá Félaginu Ísland-Palestína sem hefur stutt starf samtakanna frá árinu 2010. Mariam og Reem Fraina veita samtökunum forstöðu og eru mjög þakklátar fyrir þann stuðning sem þær fá frá Íslandi. Hann er nýttur til að aðstoða konurnar sem til þeirra leita eða er vísað til þeirra. Flestar búa við erfiðar heimilis- eða fjölskylduaðstæður vegna ofbeldis eða fátæktar. Meira en 80% íbúa Gaza eru háðir mannúðaraðstoð frá stofnunum Sameinuðu þjóðanna og alþjóðlegum hjálparsamtökum svo af nógu er að taka. Aðstoðin sem Aisha veitir felst í að veita félagslegan stuðning, lagalega ráðgjöf til þeirra sem leita réttar síns og síðast en ekki síst möguleika á að læra og tileinka sér eitthvað nytsamlegt til að aflað eigin tekna. Konurnar geta lært iðn og að gera einfaldar viðskiptaáætlanir, markaðssetningu og fleira sem skiptir máli í rekstri. Með tónleikunum Konur á Gaza er sérstaklega verið að safna fyrir síðastnefnda þættinum.Amma heldur á lítilli stúlku sem fæddist daginn sem loftárásirnar hófust 2014. Þessar konur misstu hús sín og land í þeim loftárárásum en þær ásamt eiginmönnum og börnum hefðu verið með geitur og býflugur og framleiddu mjólk, osta og hunang. Fyrir utan að hafa misst heimili sitt höfðu þær misst allt sitt lífsviðurværi.Starfskonur Aisha eru líka meðvitaðar um mikilvægi sambandsins á milli líkama og sálar enda koma áhrif áfalla oftar en ekki fram í líkamlegum einkennum eins og svefnleysi, kvíða og þunglyndi. Þá skiptir engu hvort áfallið er að missa heimili sitt eða ástvini í loftárás eða vegna kynbundins ofbeldis. Konurnar í Aisha veita stöllum sínum margskonar sálrænan stuðning og kynna þær fyrir jóga, djúpöndun og fleiru sem tengir saman líkama og sál. Aisha samtökin eru líka málsvarar kvenréttinda á opinberum vettvangi og beita sér gegn kynbundu ofbeldi sem tala má um sem faraldur með rætur í menningu feðraveldisins. Það endurspeglast meðal annars í lagasetningu og viðhorfum löggæslu og dómskerfisins. Aisha hefur fengið karlmenn til liðs við sig í baráttunni auk þess að eiga samvinnu við önnur kvenréttindasamtök á Gaza og Vesturbakkanum. Það er á brattann að sækja ekki síst vegna hernámsins sem gerir það að verkum að kvenréttinda- og jafnréttismál eru ekki talin vera forgangsmál stjórnmálanna. Konurnar sem leita eða er vísað til Aisha eru margar brotnar á sál og líkama. Eftir að komast að hjá Aisha, sem annar ekki eftirspurn, er hægt að fullyrða að þær séu síður á flæðiskeri staddar enda er öllum konum og stúlkum mætt með umhyggjusemi, hlýju og glaðværð sem reyndar liggur í loftinu. Aisha leggur mikla áherslu á að bjóða konum ekki ölmusu heldur miðar aðstoðin að því að efla konurnar og gera þeim kleift að takast betur á við sinn veruleika og að leita réttar síns. Aisha er eins og örugg höfn þar sem konur geta byggt sig upp áður en þær sigla út aftur betur búnar en áður að takast á við lífsins ólgusjó.Konur í Aisha læra iðn, handverk og hvernig eigi að standa að eigin rekstri svo þær geti framfleytt sér og börnum sínum án eiginmanna.Það sem kemur manni alltaf jafn mikið á óvart er seiglan sem býr í fólkinu á Gaza. Það er þó ekki endalaust hægt að komast áfram á seiglunni og því er stuðningur við samtök eins og Aisha lífæð enda reiða samtökin sig eingöngu á utanaðkomandi stuðning. Aisha merkir Lifandi. Það sem samtökin þurfa er stuðningur til að halda þeim lifandi sem þangað leita og þjónar sama tilgangi og vatn og súrefni. Án vatns grær ekkert og án súrefnis deyr eldurinn. Magnea Marínósdóttir í Jerúsalem vinnur fyrir sænsku kvenna- og friðarsamtökin Kvinna till Kvinna. Hún er ein fárra sem hefur stöðu sinnar vegna heimild til að ferðast inn á Gaza og hefur margoft heimsótt kvennasamtökin Aisha síðustu ár. Allur aðgangseyrir tónleikanna Konur á Gaza sem haldnir eru í Háskólabíói miðvikudagskvöldið 10. maí kl. 20 renna til þeirra samtaka. Miða á fjáröflunartónleikanna má fá hér.
Skoðun Íþróttir fyrir öll, jöfnum og bætum leikinn Hólmfríður Sigþórsdóttir,Anna Þorsteinsdóttir skrifar
Skoðun Nýr „loftslagsvænn“ iðnaður - neikvæð áhrif á lífríki og fiskveiðar Sæunn Júlía Sigurjónsdóttir skrifar
Skoðun Við styðjum Guðmund Karl! Katrín Valdís Hjartardóttir,Andrea Bóel Bæringsdóttir,Guðbjörg Harpa Ingimundardóttir skrifar