Golf

Afleitur hringur Ólafíu

Ingvi Þór Sæmundsson skrifar
Ólafía Þórunn er á átta höggum yfir pari.
Ólafía Þórunn er á átta höggum yfir pari. mynd/golf.is/sigurður elvar

Ólafía Þórunn Kristinsdóttir fann sig ekki á þriðja degi Volunteers of America Texas Shootout mótsins í golfi sem fer fram á Las Colinas vellinum í Texas.

Ólafía spilaði frábærlega í gær þar sem hún lék á fjórum höggum undir pari og komst örugglega í gegnum niðurskurðinn.

Ólafía var í þokkalegri stöðu eftir fyrstu níu holurnar í dag þar sem hún fékk tvo skolla og var samtals á einu höggi yfir pari.

Hún fékk sinn fyrsta og eina fugl í dag á 10. holu en á þeirri elleftu fékk Ólafía tvöfaldan skolla.

Ólafía fékk þrjú pör á næstu þremur holum en á 15. holu fékk hún þrefaldan skolla. Á síðustu þremur holunum fékk hún svo tvö pör og einn tvöfaldan skolla og er því á átta höggum yfir pari.

Ólafía er sem stendur í 68.-72. sæti og kemst nær örugglega ekki í gegnum seinni niðurskurðinn.


Tengdar fréttir



Fleiri fréttir

Sjá meira