Landlæknir telur heilbrigðiskerfið verulega brotakennt Oddur Ævar Gunnarsson skrifar 11. febrúar 2017 17:29 Birgir Jakobsson, landlæknir, segir að sérfræðimönnun landspítalans sé ábótavant. Fjarað hafi undan háskólasjúkrahúsinu, en þegar svo sé, er allt heilbrigðiskerfið í vandræðum. Þetta kom fram í Víglínunni á Stöð 2 í dag. „Mikill hluti sem fór á síðasta ári, og hefur farið í heilbrigðismálin, hefur farið í launahækkanir,“ segir Birgir, sem segir að þó þörf hafi verið á því, þá sé það ekki að sjá að fjármagn hafi farið í aðra þætti heilbrigðisþjónustunnar. Spurður út í hverju uppbygging á meðferðarkjarna á spítalanum muni breyta, segir Birgir að það muni breyta að verulegu leiti vinnuumhverfi fólks og forða þeim þrengslum sem nú eru uppi á spítalanum. „Það mun ekki leysa öll vandamál, þú verður fyrst og fremst að huga að verkferlum innan spítalans, hvernig fólk er að vinna saman,“ segir Birgir, sem tekur fram að slíkir verkferlar breytist ekki í nýju húsnæði. Hann segist ekki geta svarað því hvort að rúmafjöldi muni aukast í nýjum meðferðarkjarna, en fjöldi einstaklingsherbergja muni vafalaust aukast. Spurður hvort íslendingar séu að rekja gott heilbrigðiskerfi, hvað varðar þessa verkferla, segir Birgir að margt gott sé í íslenskri heilbrigðisþjónustu. „Það er styrkleiki okkar að við erum með mjög hæft fólk, en ég held hins vegar að kerfið er eins og ég kalla það, verulega brotakennt, það er ekki að vinna nægilega vel saman og úr því verður að bæta,“ segir Birgir sem segir að röng leið hafi verið farin, þar sem fjarað hafi undan háskólasjúkrahúsinu. „Í öllum heilbrigðiskerfum sem ég þekki til, er háskólasjúkrahúsið grunnstoðin, og ef hún riðar til falls, þá er allt heilbrigðiskerfið í vandræðum.“Sérfræðikunnáttan á landspítalanum lokkuð út í önnur vinnuformSpurður hvernig og hvers vegna sá hluti starfseminnar hafi veikst á undanförnum árum segir Birgir að sér finnist eins og tilhneigingin hafi verið sú að sérfræðikunnáttan á landspítalanum hafi verið lokkuð út í önnur vinnuform. „Fimmtíu til sextíu prósent af sérfræðingum landspítalans eru þar í hlutastarfi, en það þýðir það að viðvera þeirra er ekki eins og hún á að vera á landspítalanum.“ „Þetta finnst mér eitt af aðalvandamálum spítalans, þssi hæfni til að taka ákvarðanir, ekki bara einu sinni á dag, heldur allan daginn og allar helgar líka og til þess nægir ekki sérfræðimönnun landspítalans eins og hún er í dag.“ Birgir segir að reynsla fjölmargra landa sýni að þeir taka því ekki jafn mikinn þátt í starfi spítalans.Vantar reglur um aukastörf læknaSpurður hvort sér finnist að það eigi að vera skilyrði að hluti lækna vinni eingöngu á spítalanum segir Birgir að það vanti reglur um aukastörf þeirra, en það sé þannig í nágrannalöndum okkar. „Ég hef talað við fólk í Svíþjóð og í Noregi, og þeir sögðu að okkar læknar fá ekki að vinna neinsstaðar annarsstaðar en á spítalanum,“ segir Birgir. Birgir segir að þróunin hér á landi hafi verið að gerast í áratugi, þetta sé ekkert nýtt. Á sama tíma og Svíar, Norðmenn og Danir hafi reynt nýjar lausnir, hafi Íslendingar ekki gert neitt. „Ég var að vinna sem sérfræðingur árið 1988, og nú er nákvæmlega sama kerfi. Við erum með fjárlög á opinbera þjónustu, við erum með mjög hvetjandi greiðslukerfi í einkaþjónustunni, þetta veldur ójafnvægi í heilbrigðisþjónustunni og grefur undan opinberri þjónustu," segir Birgir sem bendir á að kerfið hafi verið mjög stjórnlítið. Greiðslukerfin stýri mjög hvernig heilbrigðiskerfið þróast.Fólkið kýs önnur störfBirgir segir ástæður þess aða læknar starfi utan spítalans, hljóti greinilega að vera launamál fyrir suma lækna að vinna að hluta utan spítalans. Það geti líka verið spurning um vinnuálag sem sé á spítalanum, en það sé of þungt og verði ekki létt nema með fleira fólki. Að sögn Birgis sýna þau gögn sem hann hefur yfir að ráða, að fjöldi sérfræðinga á Íslandi í heilbrigðisþjónustu er meiri heldur en á hinum norðurlöndunum og því eigi það ekki að vera vandamálið. „Vandamálið er að fólkið kýs önnur störf, sérstaklega hjúkrunarfræðingar eins og við lesum um í blöðum nánast daglega.“ Víglínan Mest lesið Litaðir seðlar til skoðunar og málið á mjög viðkvæmu stigi Innlent Úrskurðurinn felldur úr gildi Innlent Forsetavaktin 2024: Hver verður sjöundi forseti lýðveldisins? Innlent Yrði gagnkynhneigður maður spurður sömu spurningar? Innlent Sagðist ætla að nota tíu milljón króna kókaín allt sjálfur Innlent Íslensk stjórnvöld haldin „sjúkri undirgefni“ Innlent Sinueldur í Munaðarneslandi Innlent Þrjú hundruð handtekin í Columbia-háskóla Erlent Sér eftir Landsdómsmálinu: „Ég myndi aldrei gera þetta svona aftur“ Innlent „Hinsegin fólk þekkir vel að vera smættað niður í einkalíf sitt“ Innlent Fleiri fréttir „Það er hart sótt að okkar fólki“ Nemendur Flóaskóla slá í gegn með Langspilin sín Háskólanemar halda lautarferð og stofna hreyfingu fyrir Palestínu Jarðhræringar á Reykjanesi, flug til Færeyja og verkalýðsdagurinn Úrskurðurinn felldur úr gildi Vill hinn almenna launamann á þing Sinueldur í Munaðarneslandi Íslensk stjórnvöld haldin „sjúkri undirgefni“ Barn á Akureyri greindist með kíghósta Íslensk fjara á lista yfir bestu strendur heims Beint: Hátíðarhöld á verkalýðsdaginn 2024 Sniglar hægja á umferð Yrði gagnkynhneigður maður spurður sömu spurningar? Verkalýðsbaráttan aldrei verið jafn mikilvæg Einkamálefni forsetaframbjóðanda, verkalýðsdagurinn og háskólamótmæli „Hinsegin fólk þekkir vel að vera smættað niður í einkalíf sitt“ Hátíðardagskrá víða um land á verkalýðsdaginn Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Allt að fimm milljóna króna sekt á hvern fisk Gamla stjarnan þótti ekki henta nútímakröfum Ekkert eftirlit með veðmálasíðum, landris við Svartsengi og milljónasektir fyrir eldislax Facebook-hakkið hafi ekki áhrif á rannsóknina Hver er Kári Hansen? Sjá meira
Birgir Jakobsson, landlæknir, segir að sérfræðimönnun landspítalans sé ábótavant. Fjarað hafi undan háskólasjúkrahúsinu, en þegar svo sé, er allt heilbrigðiskerfið í vandræðum. Þetta kom fram í Víglínunni á Stöð 2 í dag. „Mikill hluti sem fór á síðasta ári, og hefur farið í heilbrigðismálin, hefur farið í launahækkanir,“ segir Birgir, sem segir að þó þörf hafi verið á því, þá sé það ekki að sjá að fjármagn hafi farið í aðra þætti heilbrigðisþjónustunnar. Spurður út í hverju uppbygging á meðferðarkjarna á spítalanum muni breyta, segir Birgir að það muni breyta að verulegu leiti vinnuumhverfi fólks og forða þeim þrengslum sem nú eru uppi á spítalanum. „Það mun ekki leysa öll vandamál, þú verður fyrst og fremst að huga að verkferlum innan spítalans, hvernig fólk er að vinna saman,“ segir Birgir, sem tekur fram að slíkir verkferlar breytist ekki í nýju húsnæði. Hann segist ekki geta svarað því hvort að rúmafjöldi muni aukast í nýjum meðferðarkjarna, en fjöldi einstaklingsherbergja muni vafalaust aukast. Spurður hvort íslendingar séu að rekja gott heilbrigðiskerfi, hvað varðar þessa verkferla, segir Birgir að margt gott sé í íslenskri heilbrigðisþjónustu. „Það er styrkleiki okkar að við erum með mjög hæft fólk, en ég held hins vegar að kerfið er eins og ég kalla það, verulega brotakennt, það er ekki að vinna nægilega vel saman og úr því verður að bæta,“ segir Birgir sem segir að röng leið hafi verið farin, þar sem fjarað hafi undan háskólasjúkrahúsinu. „Í öllum heilbrigðiskerfum sem ég þekki til, er háskólasjúkrahúsið grunnstoðin, og ef hún riðar til falls, þá er allt heilbrigðiskerfið í vandræðum.“Sérfræðikunnáttan á landspítalanum lokkuð út í önnur vinnuformSpurður hvernig og hvers vegna sá hluti starfseminnar hafi veikst á undanförnum árum segir Birgir að sér finnist eins og tilhneigingin hafi verið sú að sérfræðikunnáttan á landspítalanum hafi verið lokkuð út í önnur vinnuform. „Fimmtíu til sextíu prósent af sérfræðingum landspítalans eru þar í hlutastarfi, en það þýðir það að viðvera þeirra er ekki eins og hún á að vera á landspítalanum.“ „Þetta finnst mér eitt af aðalvandamálum spítalans, þssi hæfni til að taka ákvarðanir, ekki bara einu sinni á dag, heldur allan daginn og allar helgar líka og til þess nægir ekki sérfræðimönnun landspítalans eins og hún er í dag.“ Birgir segir að reynsla fjölmargra landa sýni að þeir taka því ekki jafn mikinn þátt í starfi spítalans.Vantar reglur um aukastörf læknaSpurður hvort sér finnist að það eigi að vera skilyrði að hluti lækna vinni eingöngu á spítalanum segir Birgir að það vanti reglur um aukastörf þeirra, en það sé þannig í nágrannalöndum okkar. „Ég hef talað við fólk í Svíþjóð og í Noregi, og þeir sögðu að okkar læknar fá ekki að vinna neinsstaðar annarsstaðar en á spítalanum,“ segir Birgir. Birgir segir að þróunin hér á landi hafi verið að gerast í áratugi, þetta sé ekkert nýtt. Á sama tíma og Svíar, Norðmenn og Danir hafi reynt nýjar lausnir, hafi Íslendingar ekki gert neitt. „Ég var að vinna sem sérfræðingur árið 1988, og nú er nákvæmlega sama kerfi. Við erum með fjárlög á opinbera þjónustu, við erum með mjög hvetjandi greiðslukerfi í einkaþjónustunni, þetta veldur ójafnvægi í heilbrigðisþjónustunni og grefur undan opinberri þjónustu," segir Birgir sem bendir á að kerfið hafi verið mjög stjórnlítið. Greiðslukerfin stýri mjög hvernig heilbrigðiskerfið þróast.Fólkið kýs önnur störfBirgir segir ástæður þess aða læknar starfi utan spítalans, hljóti greinilega að vera launamál fyrir suma lækna að vinna að hluta utan spítalans. Það geti líka verið spurning um vinnuálag sem sé á spítalanum, en það sé of þungt og verði ekki létt nema með fleira fólki. Að sögn Birgis sýna þau gögn sem hann hefur yfir að ráða, að fjöldi sérfræðinga á Íslandi í heilbrigðisþjónustu er meiri heldur en á hinum norðurlöndunum og því eigi það ekki að vera vandamálið. „Vandamálið er að fólkið kýs önnur störf, sérstaklega hjúkrunarfræðingar eins og við lesum um í blöðum nánast daglega.“
Víglínan Mest lesið Litaðir seðlar til skoðunar og málið á mjög viðkvæmu stigi Innlent Úrskurðurinn felldur úr gildi Innlent Forsetavaktin 2024: Hver verður sjöundi forseti lýðveldisins? Innlent Yrði gagnkynhneigður maður spurður sömu spurningar? Innlent Sagðist ætla að nota tíu milljón króna kókaín allt sjálfur Innlent Íslensk stjórnvöld haldin „sjúkri undirgefni“ Innlent Sinueldur í Munaðarneslandi Innlent Þrjú hundruð handtekin í Columbia-háskóla Erlent Sér eftir Landsdómsmálinu: „Ég myndi aldrei gera þetta svona aftur“ Innlent „Hinsegin fólk þekkir vel að vera smættað niður í einkalíf sitt“ Innlent Fleiri fréttir „Það er hart sótt að okkar fólki“ Nemendur Flóaskóla slá í gegn með Langspilin sín Háskólanemar halda lautarferð og stofna hreyfingu fyrir Palestínu Jarðhræringar á Reykjanesi, flug til Færeyja og verkalýðsdagurinn Úrskurðurinn felldur úr gildi Vill hinn almenna launamann á þing Sinueldur í Munaðarneslandi Íslensk stjórnvöld haldin „sjúkri undirgefni“ Barn á Akureyri greindist með kíghósta Íslensk fjara á lista yfir bestu strendur heims Beint: Hátíðarhöld á verkalýðsdaginn 2024 Sniglar hægja á umferð Yrði gagnkynhneigður maður spurður sömu spurningar? Verkalýðsbaráttan aldrei verið jafn mikilvæg Einkamálefni forsetaframbjóðanda, verkalýðsdagurinn og háskólamótmæli „Hinsegin fólk þekkir vel að vera smættað niður í einkalíf sitt“ Hátíðardagskrá víða um land á verkalýðsdaginn Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Allt að fimm milljóna króna sekt á hvern fisk Gamla stjarnan þótti ekki henta nútímakröfum Ekkert eftirlit með veðmálasíðum, landris við Svartsengi og milljónasektir fyrir eldislax Facebook-hakkið hafi ekki áhrif á rannsóknina Hver er Kári Hansen? Sjá meira