Fengu skýr fyrirmæli um að reyna aldrei að hafa uppi á móðurinni
„Ég vona bara af öllu hjarta að við finnum hana,“ sagði Rósíka Gestsdóttir í þættinum Leitin að upprunanum sem var sýndur á Stöð 2 á sunnudagskvöld, en Rósíka var ættleidd frá Sri Lanka árið 1986 og freistar þess nú að leita að líffræðilegri móður sinni.
Í þættinum kom fram að foreldrum hennar hafi á sínum tíma verið sagt af lögfræðingnum sem sá um ættleiðinguna að þau skyldu aldrei reyna að hafa uppi á konunni sem gaf þeim barnið sitt.
Það er sjónvarpskonan Sigrún Ósk Kristjánsdóttir sem aðstoðar Rósíku við leitina en þær fóru til Sri Lanka þrátt fyrir að hafa litlar sem engar upplýsingar í höndunum, en náttúruhamfarir í landinu settu meðal annars strik í reikninginn.
Þeirra bíður nú það verkefni að nýta tímann í Sri Lanka til að fylgja þeim vísbendingum sem þær hafa, en meðal þeirra er heimilisfangið á sjúkrahúsinu þar sem hún er fædd, götunafnið þar sem móðir hennar bjó og fullt heimilisfang afa hennar.
Meðfylgjandi er brot úr þættinum en í því má heyra viðtal sem var tekið við Rósíku þegar hún var lent í Sri Lanka 30 árum eftir að hún var ættleidd þaðan sex vikna gömul.
Tengdar fréttir
Kolbrún Sara gerir upp upprunaleitina: „Ég er moldrík kona í dag“
Kolbrún Sara hefur farið í gegnum mikinn tilfinningarússíbana undanfarnar vikur.
Móðir Kolbrúnar brotnaði niður þegar hún hitti dóttur sína eftir 37 ár
Ef þú horfðir ekki á Leitin að upprunanum á Stöð 2 í gærkvöldi skaltu hætta að lesa, því hér á eftir fylgja upplýsingar um það sem fram kom í þættinum.
Kolbrún Sara missir sjálf af lokaþættinum: „Vona svo sannarlega að þið njótið og dæmið ekki“
"Ekki það að ég þurfi að minna á en langaði bara að láta ykkur vita að síðasti þátturinn af ferðalagi mínu í leitinni minni að upprunanum er í kvöld. Sjálf er ég að vinna og þar af leiðandi fæ ég ekki að horfa á sama tíma og þið,“ segir Kolbrún Sara Larsen í stöðufærslu á Facebook.
Kolbrún hélt að hún væri fyrsta barn foreldra sinna
Ef þú horfðir ekki á Leitin að upprunanum á Stöð 2 í gærkvöldi skaltu hætta að lesa, því hér á eftir fylgja upplýsingar um það sem fram kom í þættinum.
Brynja Dan hitti móður sína eftir 30 ára aðskilnað
"Er þetta hún?" spurði tárvot Brynja M. Dan Gunnarsdóttir þegar hún fékk að sjá gamla ljósmynd af líffræðilegri móður sinni í þættinum Leitin að upprunanum.
Alltaf upplifað sig öðruvísi og hélt að hún myndi smellpassa inn á Sri Lanka
"Viðbrögðin voru ótrúleg og það hafa allir verið rosalega einlægir og meyrir.“
Tilfinningarnar báru Brynju ofurliði á Sri Lanka: „Mig langar að heyra hana segja nafnið mitt“
"Ég hef kannski ekki áhyggjur af neinu en ég veit samt ekki alveg hvar ég á að staðsetja þau,“ segir Brynja M. Dan Gunnarsdóttir sem var ættleidd frá Sri Lanka fyrir þrjátíu árum.
