Leikjavísir

Krafla komið á markað eftir eins og hálfs árs framleiðslu

Samúel Karl Ólason skrifar
Reynir  Hjálmarsson og Jóhannes Benediktsson.
Reynir Hjálmarsson og Jóhannes Benediktsson.

Skraflspilið Krafla er nú komið út eftir að hafa verið í framleiðsluferli í eitt og hálft ár. Spilið verður notað í fyrsta skipti á Íslandsmótinu í skrafli sem fer fram eftir hálfan mánuð. Jóhannes Benediktsson og Reynir Hjálmarsson standa að útgáfu borðspilsins Kröflu, en það byggir á stigakerfinu sem notað er í Netskraflinu og nefnist nýi pokinn.

„Þetta er séríslensk hönnun og íslenskt hugvit sem býr að baki þessari útgáfu. Það er mjög mikilvægt að fólk rugli okkur ekki saman við leikinn sem kallaður er The Original Scrabble, það er bara eitthvað allt annað og við viljum alls ekki kenna okkur við það,“ segir í tilkynniningu frá þeim félögum.

Útreikningarnir í Kröflu taka tillit til nýju stafagildanna og endurspeglar nýi pokinn íslenska orðabók.

„Til dæmis var meinleg reiknivilla í bókstafnum E – en ef miðað við íslenskt tungumál eiga bara að vera þrjú E og leikmenn eiga að fá mikið af stigum fyrir að koma honum í leik, ekki bara eitt.“ segir Jóhannes.

Hægt verður að kaupa Kröflu í Borgartúni 23 í dag og á morgun, en það fer síðan í búðir í næstu viku.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.