Viðskipti innlent

Kjarasamningar tónlistarkennara hafa verið lausir í eitt ár

Atli Ísleifsson skrifar
Úr kröfugöngu tónlistarkennara fyrir tæpu ári.
Úr kröfugöngu tónlistarkennara fyrir tæpu ári. Vísir/ernir

Stjórn Kennarasambands Íslands hefur lýst yfir þungum áhyggjum af þeirri stöðu sem uppi er í kjaradeilu Félags kennara og stjórnenda tónlistarskóla (FT) og Sambands íslenskra sveitarfélaga.

Kjarasamningar tónlistarskólakennara hafa nú verið lausir í tæpt ár, eða frá 1. nóvember 2015.

Í ályktun frá stjórn KÍ segir að staða tónlistarskólakennara sé með þeim hætti að nýliðun sé lítil sem engin innan stéttarinnar og afstaða sveitarfélaganna farin að hafa áhrif á starfsánægju tónlistarskólakennara í starfi.

„Sú hugmynd að allar skólagerðir vinni saman gengur ekki upp ef mismunun í kjörum kennarahópanna heldur áfram. Stjórn KÍ krefst þess að gengið verði strax til samninga við Félag kennara og stjórnenda í tónlistarskólum og laun þeirra leiðrétt í samræmi við laun annarra kennara í landinu,“ segir í ályktuninni.



Fleiri fréttir

Sjá meira