Gríðarlegar skemmdir eftir jarðskjálfta Guðsteinn Bjarnason skrifar 25. ágúst 2016 07:00 Jarðskjálftinn á Ítalíu kostaði meira en 120 manns lífið hið minnsta „Hálft þorpið er horfið,“ sagði Sergio Pirozzi, bæjarstjóri í Amatrice, við fjölmiðla í gær. „Björgunarstörf eru í gangi og þau eru afar erfið. Markmiðið nú er að bjarga eins mörgum mannslífum og unnt verður.“ Þorpið hans varð, ásamt nágrannabæjunum Accumoli og Arquata del Tronto, verst úti í jarðskjálftanum sem reið yfir í fyrrinótt. Hann sagði að heyra mætti fólk hrópa á hjálp grafið undir rústunum. Að minnsta kosti 120 létu lífið en margra var saknað og óttast var að tala látinna ætti eftir að hækka. Vitað var um 86 látna í bæjunum Amatrice Accumoli og 34 í Markehéraði. Amatrice er þekkt fyrir sögulegar byggingar í gamla miðbænum, sem hefur haft mikið aðdráttarafl á ferðafólk. Sjúkrahúsið í bænum skemmdist verulega svo flytja þurfti sjúklinga út á götur. Einnig þurfti að rýma dvalarheimili aldraðra. Matteo Renzi forsætisráðherra sagði að næstu dagana yrði öll áhersla lögð á að bjarga fólki sem enn kynni að vera á lífi í rústunum. Meðal annars var herinn kallaður út til að vinna að björgunarstörfum. Skjálftinn varð klukkan 3.36 að staðartíma eða rúmlega hálf tvö að íslenskum tíma. Hann mældist 6,2 að stærð en upptökin voru á tíu kílómetra dýpi í fjöllunum syðst í Úmbríuhéraði á Mið-Ítalíu, tæplega 70 kílómetra suðaustur af borginni Perugia. Hundruð eftirskjálfta urðu næstu klukkutímana, sá sterkasti um það bil klukkustund síðar og mældist hann 5,5 stig. Skjálftinn fannst nokkuð vel í Róm, sem er 150 kílómetra suðvestur af upptökum skjálftans. Hann fannst einnig allt norður til Bologna og suður til Napolí. Bæði François Hollande Frakklandsforseti og Angela Merkel Þýskalandskanslari, sem eru nýkomin frá Ítalíu, hafa boðið fram hjálp sína: „Myndirnar sem við sjáum eru skelfilegar,“ segir Merkel. „Við verðum tilbúin til að gera hvað sem við getum til að hjálpa Ítalíu ef þörf verður á.“ Frans páfi frestaði að hluta hinni vikulegu áheyrn sinni á Péturstorginu í Róm til að minnast þeirra sem eiga um sárt að binda vegna jarðskjálftans: „Það snerti mig djúpt að heyra borgarstjórann í Amatrice segja að þorpið væri ekki lengur til og vita að á meðal hinna látnu væru börn,“ sagði páfi. Skjálftinn er sagður álíka stór og skjálftinn mikli árið 2009, sem varð meira en 300 manns að bana. Upptök þess skjálfta voru í Abruzzo-héraði rétt hjá bænum L’Aquila, sem er aðeins 50 kílómetra suður af Amatrice. Bandaríska jarðfræðistofnunin USGS rifjar upp að stórir jarðskjálftar hafi verið nokkuð algengir á þessum slóðum austan til á Mið-Ítalíu, á flóknum flekamótum Appennína-fjallgarðsins sem liggur eftir Ítalíu endilangri. Skjálftar á Ítalíu hafa stundum kostað tugi þúsunda manna lífið. Þannig létu 10 þúsund manns í jarðskjálfta í Kampaníuhéraði árið 1688, 10 þúsund í Úmbríu árið 1703, nærri 30 þúsund í Kalabríu árið 1783, meira en 60 þúsund á Suður-Ítalíu árið 1908 og um 30 þúsund manns létust árið 1915 í jarðskjálfta á svipuðum slóðum og skjálftinn í fyrrinótt.Fréttin birtist fyrst í FréttablaðinuSkemmdirnar urðu mestar í þorpinu Amatrice, sem bæjarstjórinn segir að hafi eyðilagst að hálfu.vísir/EPA Birtist í Fréttablaðinu Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Lík þriggja brimbrettakappa fundust í brunni í Mexíkó Erlent Segir viðmælendur sitja undir hótunum netaktívista Innlent Reiðir yfir ummælum Macrons og halda æfingar með kjarnorkuvopn Erlent Nefndin aldrei heyrt aðrar eins frásagnir en lítið að gerast Innlent Fleiri fréttir Reiðir yfir ummælum Macrons og halda æfingar með kjarnorkuvopn Sökktu rússneskum hraðbát með sjálfsprengidróna Verður næsti formaður Skoska þjóðarflokksins Sakaði Biden um að reka lögregluríki í anda nasista Aukastörf meðfram þingmennsku skapi hættu á hagsmunaárekstrum Lík þriggja brimbrettakappa fundust í brunni í Mexíkó Xi og Macron ræða kínverska rafbíla og franskt koníak Um 100.000 sagt að rýma svæði á Rafah vegna „afmarkaðra aðgerða“ Búnaður Al Jazeera gerður upptækur og miðillinn í bann Ísrael samþykkir ekki vopnahlé Ísraelsmenn vísa fréttamönnum á dyr Íhaldsflokkurinn laut í lægra haldi í sveitarstjórnarkosningum Tuga enn saknað og 55 látnir Verður borgarstjóri Lundúna þriðja kjörtímabilið í röð Auka viðbúnað í aðdraganda Eurovision Forseti Argentínu skýtur föstum skotum á spænsku ríkisstjórnina Berlínarborg vill losna við glæsivillu Göbbels Flugvél Atlanta á tæpasta vaði í Ríad Varaforsetaefni í bobba vegna hundsdráps og meints fundar með Kim Kreml fordæmir ummæli Macrons og Camerons Reyna að sækja fyrsta sýnið frá fjærhlið tunglsins Hlustuðu á Trump og Cohen tala um þagnargreiðslu Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Sjá meira
„Hálft þorpið er horfið,“ sagði Sergio Pirozzi, bæjarstjóri í Amatrice, við fjölmiðla í gær. „Björgunarstörf eru í gangi og þau eru afar erfið. Markmiðið nú er að bjarga eins mörgum mannslífum og unnt verður.“ Þorpið hans varð, ásamt nágrannabæjunum Accumoli og Arquata del Tronto, verst úti í jarðskjálftanum sem reið yfir í fyrrinótt. Hann sagði að heyra mætti fólk hrópa á hjálp grafið undir rústunum. Að minnsta kosti 120 létu lífið en margra var saknað og óttast var að tala látinna ætti eftir að hækka. Vitað var um 86 látna í bæjunum Amatrice Accumoli og 34 í Markehéraði. Amatrice er þekkt fyrir sögulegar byggingar í gamla miðbænum, sem hefur haft mikið aðdráttarafl á ferðafólk. Sjúkrahúsið í bænum skemmdist verulega svo flytja þurfti sjúklinga út á götur. Einnig þurfti að rýma dvalarheimili aldraðra. Matteo Renzi forsætisráðherra sagði að næstu dagana yrði öll áhersla lögð á að bjarga fólki sem enn kynni að vera á lífi í rústunum. Meðal annars var herinn kallaður út til að vinna að björgunarstörfum. Skjálftinn varð klukkan 3.36 að staðartíma eða rúmlega hálf tvö að íslenskum tíma. Hann mældist 6,2 að stærð en upptökin voru á tíu kílómetra dýpi í fjöllunum syðst í Úmbríuhéraði á Mið-Ítalíu, tæplega 70 kílómetra suðaustur af borginni Perugia. Hundruð eftirskjálfta urðu næstu klukkutímana, sá sterkasti um það bil klukkustund síðar og mældist hann 5,5 stig. Skjálftinn fannst nokkuð vel í Róm, sem er 150 kílómetra suðvestur af upptökum skjálftans. Hann fannst einnig allt norður til Bologna og suður til Napolí. Bæði François Hollande Frakklandsforseti og Angela Merkel Þýskalandskanslari, sem eru nýkomin frá Ítalíu, hafa boðið fram hjálp sína: „Myndirnar sem við sjáum eru skelfilegar,“ segir Merkel. „Við verðum tilbúin til að gera hvað sem við getum til að hjálpa Ítalíu ef þörf verður á.“ Frans páfi frestaði að hluta hinni vikulegu áheyrn sinni á Péturstorginu í Róm til að minnast þeirra sem eiga um sárt að binda vegna jarðskjálftans: „Það snerti mig djúpt að heyra borgarstjórann í Amatrice segja að þorpið væri ekki lengur til og vita að á meðal hinna látnu væru börn,“ sagði páfi. Skjálftinn er sagður álíka stór og skjálftinn mikli árið 2009, sem varð meira en 300 manns að bana. Upptök þess skjálfta voru í Abruzzo-héraði rétt hjá bænum L’Aquila, sem er aðeins 50 kílómetra suður af Amatrice. Bandaríska jarðfræðistofnunin USGS rifjar upp að stórir jarðskjálftar hafi verið nokkuð algengir á þessum slóðum austan til á Mið-Ítalíu, á flóknum flekamótum Appennína-fjallgarðsins sem liggur eftir Ítalíu endilangri. Skjálftar á Ítalíu hafa stundum kostað tugi þúsunda manna lífið. Þannig létu 10 þúsund manns í jarðskjálfta í Kampaníuhéraði árið 1688, 10 þúsund í Úmbríu árið 1703, nærri 30 þúsund í Kalabríu árið 1783, meira en 60 þúsund á Suður-Ítalíu árið 1908 og um 30 þúsund manns létust árið 1915 í jarðskjálfta á svipuðum slóðum og skjálftinn í fyrrinótt.Fréttin birtist fyrst í FréttablaðinuSkemmdirnar urðu mestar í þorpinu Amatrice, sem bæjarstjórinn segir að hafi eyðilagst að hálfu.vísir/EPA
Birtist í Fréttablaðinu Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Lík þriggja brimbrettakappa fundust í brunni í Mexíkó Erlent Segir viðmælendur sitja undir hótunum netaktívista Innlent Reiðir yfir ummælum Macrons og halda æfingar með kjarnorkuvopn Erlent Nefndin aldrei heyrt aðrar eins frásagnir en lítið að gerast Innlent Fleiri fréttir Reiðir yfir ummælum Macrons og halda æfingar með kjarnorkuvopn Sökktu rússneskum hraðbát með sjálfsprengidróna Verður næsti formaður Skoska þjóðarflokksins Sakaði Biden um að reka lögregluríki í anda nasista Aukastörf meðfram þingmennsku skapi hættu á hagsmunaárekstrum Lík þriggja brimbrettakappa fundust í brunni í Mexíkó Xi og Macron ræða kínverska rafbíla og franskt koníak Um 100.000 sagt að rýma svæði á Rafah vegna „afmarkaðra aðgerða“ Búnaður Al Jazeera gerður upptækur og miðillinn í bann Ísrael samþykkir ekki vopnahlé Ísraelsmenn vísa fréttamönnum á dyr Íhaldsflokkurinn laut í lægra haldi í sveitarstjórnarkosningum Tuga enn saknað og 55 látnir Verður borgarstjóri Lundúna þriðja kjörtímabilið í röð Auka viðbúnað í aðdraganda Eurovision Forseti Argentínu skýtur föstum skotum á spænsku ríkisstjórnina Berlínarborg vill losna við glæsivillu Göbbels Flugvél Atlanta á tæpasta vaði í Ríad Varaforsetaefni í bobba vegna hundsdráps og meints fundar með Kim Kreml fordæmir ummæli Macrons og Camerons Reyna að sækja fyrsta sýnið frá fjærhlið tunglsins Hlustuðu á Trump og Cohen tala um þagnargreiðslu Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Sjá meira