Íhuga skaðabótamál gegn Isavia Gunnar Atli Gunnarsson skrifar 18. júlí 2016 19:35 Að minnsta kosti þrjú fyrirtæki hafa til skoðunar að höfða skaðabótamál gegn Isavia vegna forvals um verslunarpláss í Leifsstöð sem fram fór árið 2014. Forstjóri Kaffitárs segir með ólíkindum að hafa þurft að standa í stappi við opinbera aðila í tvö ár.Aðdragandi málsinsIsavia ohf. efndi í mars 2014 til forvals vegna verslunar- og veitingareksturs í Flugstöð Leifs Eiríkssonar. Kaffitár var á meðal þátttakenda en fyrirtækið varð ekki fyrir valinu og óskaði í kjölfarið eftir gögnum um forvalið. Í september hafnaði Isavia gagnabeiðni Kaffitárs þar sem það væri mat Isavia að umbeðin gögn vörðuðu mikilvæga fjárhags- eða viðskiptahagsmuni þátttakenda í samkeppninni. Kaffitár kærði þessa ákvörðun í október 2014 til úrskurðarnefndar um upplýsingamál. Nefndin komst að þeirri niðurstöðu í maí í fyrra að Isavia bæri að afhenda Kaffitár gögnin. Með bréfi í ágúst í fyrra hafnaði Isavia áskorun frá Kaffitár um afhendingu. Í kjölfarið leitaði Kaffitár til Héraðsdóms Reykjavíkur um að fá aðgang að gögnunum með aðför. Málið var þó ekki tekið til efnismeðferðar strax enda setti Isavia fram kröfu um að leitað skyldi ráðgefandi álits EFTA-dómstólsins í málinu. Þeirri kröfu var hafnað af bæði Héraðsdómi og Hæstarétti. Í síðasta mánuði úrskurðaði Héraðsdómur að Isavia bæri að afhenda Kaffitár gögnin og Isavia dæmt til að greiða Kaffitár eina milljón króna í málskostnað. Hinn 8. júlí síðastliðinn kom annað stjórnvald að málinu, en Samkeppniseftirlitið sendi aðilum málsins bréf. Þar kom fram að gögnin innihéldu svo viðkvæmar upplýsingar að afhending þeirra gæti falið í sér brot á samkeppnislögum. Samkeppniseftirlitið mæltist því til þess, þrátt fyrir niðurstöðu Héraðsdóms Reykjavíkur í málinu, að Isavia og Kaffitár leituðu allra leiða til að uppfylla þarfir Kaffitárs án þess að afhenda gögnin sjálf. Það var síðan nú fyrir helgi sem Isavia afhenti Kaffitár gögnin - tæpum tveimur árum eftir að fyrirtækið óskaði eftir þeim.Standa í stappi við opinbera aðila „Þetta er náttúrulega alveg með ólíkindum að við þurfum að standa í svona stappi við opinbera aðila. Og að við þurfum að leggja í allan þennan kostnað og tíma við að fá það sem okkur ber, er náttúrulega bara, á ekki að vera borgurunum samboðið,” segir Aðalheiður Héðinsdóttir, forstjóri Kaffitárs. Nú standi yfir vinna við að fara yfir gögnin og að í kjölfarið verði tekin ákvörðun um framhaldið, meðal annars um hvort höfðað verði skaðabótamál gegn Isavia. „Ég held að það sé alveg ljóst að ef að við sjáum að það er mjög mikill meinbugur á stigagjöfinni og gögnunum, að þá gerum við það,” segir Aðalheiður.Íhuga skaðabótamál En Kaffitár er ekki eina fyrirtækið sem íhugar skaðabótamál gegn Isavia vegna málsins en fréttastofa hefur í dag rætt við forsvarsmenn fyrirtækja sem tóku þátt í útboðinu árið 2014. Þeir aðilar segjast hafa afhent Isavia þessar viðkvæmu upplýsingar þar sem Isavia hafði heitið trúnaði um þau gögn sem fyrirtæki skiluðu inn. Nú hefði hins vegar komið í ljós að Isavia hefði ekki haft heimild til þess að lofa slíkum trúnaði og Kaffitár komið með aðgang að þessum gögnum. Að minnsta kosti tvö þessara fyrirtækja íhuga skaðabótamál gegn Isavia vegna þess tjóns sem fyrirtækin hafa orðið fyrir vegna málsins.Fyrirkomulagið samþykkt fyrir forvalið Í tilkynningu frá Isavia segir að öllum þátttakendum hafi verið kynnt forvalið með þeim hætti að lofað hafi verið fullum trúnaði um gögn forvalsins. „Allir þátttakendur samþykktu fyrirkomulagið og enginn gerði athugasemd áður en niðurstaðan var kynnt. Eftir að niðurstaða forvalsins kom í ljós fór Kaffitár fram á afhendingu þessara trúnaðargagna. Isavia taldi ekki rétt að verða við þeirri beiðni þar sem heitið var trúnaði í forvalinu og þar sem Isavia taldi afhendingu gagnanna varða við samkeppnislög.“ Héraðsdómur komst að þeirri niðurstöðu að Isavia ætti að afhenda gögnin en eftir úrskurðinn sendi Samkeppniseftirlitið bréf þess efnis að það kynni að brjóta í bága við samkeppnislög. „Bréf Samkeppniseftirlitsins staðfestir að gögnin eru viðkvæm og að áhyggjur Isavia á því að afhenda þau væru réttmætar. Isavia telur það því til marks um góð vinnubrögð að hafa kannað til hlítar hvort fyrirtækinu bæri að afhenda þessi viðkvæmu gögn. Bréf Samkeppniseftirlitsins staðfestir það.“ Mest lesið Rekstrarafkoma Sýnar ekki ásættanleg Viðskipti innlent Einar hættir með Grillbúðina Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Krökkunum finnst hálf hallærislegt að mamman kunni Friends þættina utan að Atvinnulíf Davíð Tómas ráðinn framkvæmdastjóri Viðskipti innlent Tekjur Apple drógust saman enn eina ferðina Viðskipti erlent Þarf að greiða kortareikninginn og meira til í málskostnað Neytendur Hætta skerðingum til stórnotenda Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Ballið búið fyrir fullt og allt á B5 Viðskipti innlent Fleiri fréttir Rekstrarafkoma Sýnar ekki ásættanleg Einar hættir með Grillbúðina Hætta skerðingum til stórnotenda Davíð Tómas ráðinn framkvæmdastjóri Farþegum fjölgaði og sætanýting um 85 prósent Ráðin forstöðumaður hjá OK Snýr aftur til Snjallgagna Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Sjá meira
Að minnsta kosti þrjú fyrirtæki hafa til skoðunar að höfða skaðabótamál gegn Isavia vegna forvals um verslunarpláss í Leifsstöð sem fram fór árið 2014. Forstjóri Kaffitárs segir með ólíkindum að hafa þurft að standa í stappi við opinbera aðila í tvö ár.Aðdragandi málsinsIsavia ohf. efndi í mars 2014 til forvals vegna verslunar- og veitingareksturs í Flugstöð Leifs Eiríkssonar. Kaffitár var á meðal þátttakenda en fyrirtækið varð ekki fyrir valinu og óskaði í kjölfarið eftir gögnum um forvalið. Í september hafnaði Isavia gagnabeiðni Kaffitárs þar sem það væri mat Isavia að umbeðin gögn vörðuðu mikilvæga fjárhags- eða viðskiptahagsmuni þátttakenda í samkeppninni. Kaffitár kærði þessa ákvörðun í október 2014 til úrskurðarnefndar um upplýsingamál. Nefndin komst að þeirri niðurstöðu í maí í fyrra að Isavia bæri að afhenda Kaffitár gögnin. Með bréfi í ágúst í fyrra hafnaði Isavia áskorun frá Kaffitár um afhendingu. Í kjölfarið leitaði Kaffitár til Héraðsdóms Reykjavíkur um að fá aðgang að gögnunum með aðför. Málið var þó ekki tekið til efnismeðferðar strax enda setti Isavia fram kröfu um að leitað skyldi ráðgefandi álits EFTA-dómstólsins í málinu. Þeirri kröfu var hafnað af bæði Héraðsdómi og Hæstarétti. Í síðasta mánuði úrskurðaði Héraðsdómur að Isavia bæri að afhenda Kaffitár gögnin og Isavia dæmt til að greiða Kaffitár eina milljón króna í málskostnað. Hinn 8. júlí síðastliðinn kom annað stjórnvald að málinu, en Samkeppniseftirlitið sendi aðilum málsins bréf. Þar kom fram að gögnin innihéldu svo viðkvæmar upplýsingar að afhending þeirra gæti falið í sér brot á samkeppnislögum. Samkeppniseftirlitið mæltist því til þess, þrátt fyrir niðurstöðu Héraðsdóms Reykjavíkur í málinu, að Isavia og Kaffitár leituðu allra leiða til að uppfylla þarfir Kaffitárs án þess að afhenda gögnin sjálf. Það var síðan nú fyrir helgi sem Isavia afhenti Kaffitár gögnin - tæpum tveimur árum eftir að fyrirtækið óskaði eftir þeim.Standa í stappi við opinbera aðila „Þetta er náttúrulega alveg með ólíkindum að við þurfum að standa í svona stappi við opinbera aðila. Og að við þurfum að leggja í allan þennan kostnað og tíma við að fá það sem okkur ber, er náttúrulega bara, á ekki að vera borgurunum samboðið,” segir Aðalheiður Héðinsdóttir, forstjóri Kaffitárs. Nú standi yfir vinna við að fara yfir gögnin og að í kjölfarið verði tekin ákvörðun um framhaldið, meðal annars um hvort höfðað verði skaðabótamál gegn Isavia. „Ég held að það sé alveg ljóst að ef að við sjáum að það er mjög mikill meinbugur á stigagjöfinni og gögnunum, að þá gerum við það,” segir Aðalheiður.Íhuga skaðabótamál En Kaffitár er ekki eina fyrirtækið sem íhugar skaðabótamál gegn Isavia vegna málsins en fréttastofa hefur í dag rætt við forsvarsmenn fyrirtækja sem tóku þátt í útboðinu árið 2014. Þeir aðilar segjast hafa afhent Isavia þessar viðkvæmu upplýsingar þar sem Isavia hafði heitið trúnaði um þau gögn sem fyrirtæki skiluðu inn. Nú hefði hins vegar komið í ljós að Isavia hefði ekki haft heimild til þess að lofa slíkum trúnaði og Kaffitár komið með aðgang að þessum gögnum. Að minnsta kosti tvö þessara fyrirtækja íhuga skaðabótamál gegn Isavia vegna þess tjóns sem fyrirtækin hafa orðið fyrir vegna málsins.Fyrirkomulagið samþykkt fyrir forvalið Í tilkynningu frá Isavia segir að öllum þátttakendum hafi verið kynnt forvalið með þeim hætti að lofað hafi verið fullum trúnaði um gögn forvalsins. „Allir þátttakendur samþykktu fyrirkomulagið og enginn gerði athugasemd áður en niðurstaðan var kynnt. Eftir að niðurstaða forvalsins kom í ljós fór Kaffitár fram á afhendingu þessara trúnaðargagna. Isavia taldi ekki rétt að verða við þeirri beiðni þar sem heitið var trúnaði í forvalinu og þar sem Isavia taldi afhendingu gagnanna varða við samkeppnislög.“ Héraðsdómur komst að þeirri niðurstöðu að Isavia ætti að afhenda gögnin en eftir úrskurðinn sendi Samkeppniseftirlitið bréf þess efnis að það kynni að brjóta í bága við samkeppnislög. „Bréf Samkeppniseftirlitsins staðfestir að gögnin eru viðkvæm og að áhyggjur Isavia á því að afhenda þau væru réttmætar. Isavia telur það því til marks um góð vinnubrögð að hafa kannað til hlítar hvort fyrirtækinu bæri að afhenda þessi viðkvæmu gögn. Bréf Samkeppniseftirlitsins staðfestir það.“
Mest lesið Rekstrarafkoma Sýnar ekki ásættanleg Viðskipti innlent Einar hættir með Grillbúðina Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Krökkunum finnst hálf hallærislegt að mamman kunni Friends þættina utan að Atvinnulíf Davíð Tómas ráðinn framkvæmdastjóri Viðskipti innlent Tekjur Apple drógust saman enn eina ferðina Viðskipti erlent Þarf að greiða kortareikninginn og meira til í málskostnað Neytendur Hætta skerðingum til stórnotenda Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Ballið búið fyrir fullt og allt á B5 Viðskipti innlent Fleiri fréttir Rekstrarafkoma Sýnar ekki ásættanleg Einar hættir með Grillbúðina Hætta skerðingum til stórnotenda Davíð Tómas ráðinn framkvæmdastjóri Farþegum fjölgaði og sætanýting um 85 prósent Ráðin forstöðumaður hjá OK Snýr aftur til Snjallgagna Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Sjá meira