Innlent

Leita fleiri þolenda mansals

Snærós Sindradóttir skrifar
Fólkið sem um ræðir hefur starfað fyrir Félag heyrnarlausra við fjáröflun félagsins. Vinna þess hefur falið í sér að selja happdrættismiða.
Fólkið sem um ræðir hefur starfað fyrir Félag heyrnarlausra við fjáröflun félagsins. Vinna þess hefur falið í sér að selja happdrættismiða. vísir/Vilhelm

Lögregla á höfuðborgarsvæðinu rannsakar nú hvort fleiri þolendur séu til staðar í mansalsmáli sem tengist Félagi heyrnarlausra. Fréttablaðið greindi frá málinu í síðustu viku en þá hafði lögregla komið konu sem starfaði á vegum félagsins í öruggt skjól í Kvennaathvarfinu.

„Við erum að skoða marga vinkla í þessu máli, þar á meðal hvort það séu fleiri þolendur í þessu máli sem við erum að rannsaka,“ segir Snorri Birgisson, yfirmaður mansalsteymis lögreglunnar.  Hann vill ekki staðfesta að um Félag heyrnarlausra sé að ræða en í viðtali við Fréttablaðið í síðustu viku staðfesti Daði Hreinsson, framkvæmdastjóri félagsins, að það væri undir rannsókn.

„Rannsókn miðar ágætlega. Við erum enn að taka skýrslur af vitnum og öðrum sem tengjast þessu með einum eða öðrum hætti,“ segir Snorri.

Rannsóknin snýr að starfsmanni Félags heyrnarlausra sem sér um fjáröflun félagsins. Hann hefur um nokkurt skeið fengið hingað til lands fólk frá Austur-Evrópu til að selja happdrættismiða félagsins en í þeirri sölu fer helsta fjáröflun félagsins fram.

Konan sem er í skjóli hjá Kvennaathvarfinu hefur áður komið til Íslands í þeim tilgangi að selja happdrættismiðana. Samkvæmt heimildum Fréttablaðsins greiddi hún manninum í tvígang 1.000 dollara og var sagt að það væri fyrir atvinnuleyfi konunnar hér á landi.

Snorri Birgisson, yfirmaður mansalsteymis lögreglunnar

Samkvæmt heimildum blaðsins var aldrei óskað eftir atvinnuleyfi fyrir konuna og gengið úr skugga um að konan dveldi ekki lengur í landinu en þrjá mánuði í senn. Hún kom til landsins í mars en þangað til lögregla tók hana undir sinn verndarvæng hafði hún fengið um tuttugu þúsund krónur fyrir vinnu sína. Daði Hreinsson staðfesti við Fréttablaðið í síðustu viku að venjan væri að launa sölufólki með 25% af söluandvirði happdrættismiðanna. Í tilfelli konunnar hefði hún aftur á móti fengið 15% en í staðinn hefði verið samið um frítt húsnæði hjá manninum sem réði hana til landsins.

Konan var bæði svöng og þreytt þegar lögregla tók hana undir sinn verndarvæng. 

Fréttin birtist fyrst í Fréttablaðinu 2. júní


Tengdar fréttir

Hér eru 400 taldir bundnir þrældómi

Ísland kemur illa út í samanburði við Norðurlönd í nýrri skýrslu Global Slavery Index um þrælahald í heiminum. Það er í 49. sæti á heimsvísu og fær slaka einkunn fyrir viðbrögð stjórnvalda gegn mansali. Efni skýrslunnar var til u

Grunur er um mansal hjá Félagi heyrnarlausra

Lögregla rannsakar nú grun um mansal hjá starfsmönnum Félags heyrnarlausra. Útlendingar hafa verið fengið hingað til lands til að selja happdrættismiða fyrir félagið. Heimildir herma að þetta fólk fái greitt langt undir lágmarkslaunum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.