Enski boltinn

Ulloa hetja Leicester gegn Norwich | Sjáðu markið

Kristinn Páll Teitsson skrifar

Leonardo Ulloa var hetja Leicester í naumum 1-0 sigri toppliðsins á Norwich í ensku úrvalsdeildinni í dag en Ulloa skoraði sigurmarkið á lokamínútu venjulegs leiktíma.

Leicester gat náð fimm stiga forskoti um tíma á toppi ensku úrvalsdeildarinnar með sigri í dag og áttu eflaust margir von á því að verkefni dagsins yrði auðvelt fyrir topplið Leicester.

Kanarífuglarnir frá Norwich voru hinsvegar ekkert á því að gefast upp og börðust af krafti fyrir stiginu allan leikinn.

Kom eina mark leiksins ekki fyrr en undir lok venjulegs leiktíma á 89. mínútu þegar Ulloa skoraði eftir góðan undirbúning frá Marc Albrighton.

Norwich hafði varla neinn tíma til að jafna metin eftir það og fögnuðu leikmenn Leicester því sigrinum og eru komnir á sigurbraut á ný eftir tapið gegn Arsenal í síðustu umferð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira