Innlent

Skoða má hertar reglur um köfun

Þórgnýr Einar Albertsson skrifar
Ferðamaður slasaðist alvarlega við köfun í Silfru.
Ferðamaður slasaðist alvarlega við köfun í Silfru. vísir/pjetur

Skoða má hvort herða beri reglur um köfun í Silfru. Þetta segir Ólafur Örn Haraldsson, þjóðgarðsvörður á Þingvöllum, en erlend kona á þrítugsaldri slasaðist alvarlega í Silfru í gær.

Lögreglan á Selfossi var kölluð út um hádegisbilið vegna slyssins og var konan sótt með þyrlu Landhelgisgæslunnar og flutt á Reykjavíkurflugvöll. Þaðan var konunni ekið á Landspítalann við Hringbraut.

Ólafur Örn Haraldsson, þjóðgarðsvörður á Þingvöllum. vísir/gva

Reglur um köfun í gjánni voru hertar í ársbyrjun 2013 í kjölfar banaslyss þann 28. desember 2012. Bönnuðu þá þjóðgarðsvörður og Siglingastofnun, sem nú er hluti af Samgöngustofu, köfun fyrir neðan átján metra í því skyni að reyna að tryggja öryggi kafara. Ólafur segir að öll slys séu tilefni til að ræða um hertar reglur.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira