Handbolti

„Guðmundur á að halda starfinu“

Eiríkur Stefán Ásgeirsson skrifar
Vísir/Getty

Dan Philipsen segir í pistli sínum á vef TV 2 í Danmörku að Guðmundur Guðmundsson eigi þrátt fyrir allt að halda starfi sínu sem landsliðsþjálfari Danmerkur.

Dönum mistókst að komast í undanúrslit á EM í Póllandi eftir tap fyrir Þýskalandi í dag og jafntefli gegn Svíum í gær. Fram að því hafði Danmörk unnið alla leiki sína á mótinu.

Sjá einnig: Guðmundur við blaðamann: Þú ert sérfræðingurinn, ekki satt?

„Fíaskó. Versta orð sem íþróttamaður getur fengið í andlitið eftir keppni. En það er ekki hægt að komast hjá því - EM 2016 verður ávallt minnst sem fíaskó fyrir danska landsliðið,“ skrifaði Philipsen.

Hann rifjar upp að Guðmundur hafi uppskorið mikið hrós eftir sigur Dana á Spánverjum á sunnudag og að hann sé enn góður þjálfari. Hann eigi hins vegar enga innistæðu lengur sem landsliðsþjálfari eftir að hafa mistekist að koma einu besta landsliði heims í undanúrslitum á tveimur stórmótum í röð.

Sjá einnig: Guðmundur: Vorum einfaldlega of þreyttir

„Örlög landsliðsþjálfarans ráðst í vor þegar Danmörk tekur þátt í forkeppni Ólympíuleikanna. Ef Danmörk fer ekki í Ríó er þetta búið fyrir Guðmund Guðmundsson. Hann þyrfti þá að víkja.“

Lestu pistilinn í heild sinni hér.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira