Enski boltinn

Van Gaal reiður við fjölmiðla

Henry Birgir Gunnarsson skrifar
Louis van Gaal er ekki sáttur.
Louis van Gaal er ekki sáttur. vísir/getty

Eftir tap Man. Utd gegn Southampton um síðustu helgi fór sú saga á kreik að Louis van Gaal hefði boðist til þess að hætta sem stjóri Man. Utd.

Þessi saga var ósönn og hún fór virkilega í taugarnar á hollenska stjóranum.

„Ég hef aldrei minnst á það við neinn að hætta. Þið búið til ykkar sögur og svo þarf ég að svara þeim. Ég er hættur því,“ sagði Van Gaal við breska fjölmiðla og var reiður.

„Mér finnst það vera hræðilegt hvernig þið getið skrifað svona sögur sem ég þarf síðan að svara. Fólk trúir þessum sögum og ég hef áhyggjur af því. Ég þarf að svara fullt af símtölum út af svona sögum. En allt í lagi. Svona er heimurinn. Þið getið víst skrifað það sem þið viljið og þurfið ekki að hafa áhyggjur af neinu.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira