Enski boltinn

Jóhann Berg og félagar ætla að endurgreiða stuðningsmönnum

Eiríkur Stefán Ásgeirsson skrifar
Jóhann Berg, lengst til hægri, í leiknum í gær.
Jóhann Berg, lengst til hægri, í leiknum í gær. Vísir/Getty

Johnnie Jackson, fyrirliði enska B-deildarliðsins Charlton, segir að leikmenn liðsins ætli að endurgreiða þeim stuðningsmönnum sem mættu á leik liðsins gegn Huddersfield í gær.

Huddersfield vann leikinn, 5-0, og segir Jackson að frammistaða liðsins hafi verið óásættanleg.

„Ég vil fyrir hönd leikmannanna biðjast afsökunar. Þetta var til skammar,“ skrifaði hann á Twitter-síðu sína og bætti við að leikmenn í samstarfi við félagið muni endurgreiða þeim 166 stuðningsmönnum Charlton sem fóru á leikinn fyrir miðann sinn.

Charlton hefur nú spilað níu leiki í röð án þess að vinna og eru nú í næstneðsta sæti deildarinnar með 23 stig, þremur stigum frá öruggu sæti.

Jóhann Berg Guðmundsson var í byrjunarliði Charlton í gær og spilaði fyrstu 74 mínúturnar í leiknum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira