Enski boltinn

Hversu mikið klúður var þetta hjá Giroud? | Hlustið bara á lýsingu Gumma Ben

Óskar Ófeigur Jónsson skrifar

Olivier Giroud skoraði tvö mörk í 3-3 jafntefli Arsenal á móti Liverpool í ensku úrvalsdeildinni í kvöld en þegar upp var staðið var það klúður hans í fyrri hálfleiknum sem átti að skila liðinu mikilvægum sigri í toppbaráttunni.

Olivier Giroud fékk algjört dauðafæri skömmu eftir að hann jafnaði metin í 2-2 á 25. mínútu leiksins. Olivier Giroud kom Arsenal á endanum yfir í byrjun seinni hálfleiks en Liverpool náði að jafna metin í blálokin og tryggja sér stig.

Olivier Giroud hefur skorað tólf mörk í ensku úrvalsdeildinni á tímabilinu eftir mörkin tvö í kvöld en það er hætt við því að hann eigi eftir að eiga í vandræðum með að sofna eftir svona klúður.

Guðmundur Benediktsson lýsti þessum frábærlega leik á Anfield í kvöld og hann fór á kostum þegar Olivier Giroud klúðraði þessu færi sínu.

Það má heyra þessa mögnuðu lýsingu og sjá þetta ótrúlega klúður í spilaranum hér fyrir ofan. Að sjálfsögðu sýnum við færi Olivier Giroud um leið.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira