Handbolti

Alexander: Ég er með gæsahúð

Henry Birgir Gunnarsson skrifar
Alexander var flottur í kvöld.
Alexander var flottur í kvöld. vísir/valli

Alexander Petersson skoraði þrjú mörk og var frábær í varnarleiknum þegar Ísland vann Noreg, 26-25, í fyrst leik liðsins á EM 2016 í Póllandi.

Leikurinn var ótrúlega spennandi og réðust ekki úrslitin fyrr en á lokasekúndunni þegar Björgvin Páll varði síðasta skot Norðamanna.

„Þetta var bara byrjunin. Ég er með gæsahúð,“ sagði Alexander sæll og glaður við Vísi rétt eftir leik.

Íslenska liðið fékk tvö tækifæri til að ganga frá leiknum en hleypti því norska alltaf inn í leikinn aftur.

„Við fengum tvær mínútur sem var klaufalegt og klárum ekki yfirtölu sem var vandamál. Við áttum alltaf að vinna þennan leik,“ sagði Alexander sem var enn í skýjunum þegar Vísir ræddi við hann.

„Þetta er bara eins og við höfum unnið mótið. Þetta er alveg gríðarlega mikilvægur sigur.“

„Nú er fyrsti leikur búinn og við getum farið að einbeita okkur að næsta leik,“ sagði Alexander Petersson að lokum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira