Enski boltinn

Van Gaal með Liverpool í vasanum

Stefán Árni Pálsson skrifar
Loui van Gaal á Anfield í dag.
Loui van Gaal á Anfield í dag. vísir/getty

Loui van Gaal, knattspyrnustjóra Manchester United, líður greinilega vel gegn Liverpool en hann hefur stýrt United fjórum sinnum gegn liðinu í ensku úrvalsdeildinni og unnið alla leikina.

Í þessum fjórum leikjum hefur Manchester United skorað níu mörk og fengið á sig tvö. Manchester United vann Liverpool, 1-0, fyrr í dag og skoraði þá Wayne Rooney eina mark leiksins.

Í sigrunum tveimur hjá United á Liverpool á þessari leiktíð hafa leikmenn van Gaal skorað úr öllum skotunum fjórum sem ratað hafa á markið. Ótrúleg staðreynd en til upplýsinga þá eru skot í markrammann, eins og skalli Fellaini í slána í leiknum í dag, ekki talin til skota sem hitta á markið.

Mark Rooney var hans 176. mark fyrir United og sló hann þar með met Thierry Henry sem skoraði 175 mörk fyrir Arsenal. Rooney hefur nú skorað flest mörk fyrir eitt félag í ensku úrvalsdeildinni.


Tengdar fréttir



Fleiri fréttir

Sjá meira