Handbolti

Dagur syngur og spilar í þýska sjónvarpinu | Myndband

Eiríkur Stefán Ásgeirsson skrifar

Þýskaland mætir Íslandi í tveimur æfingaleikjum um helgina en það verða síðustu leikir liðanna fyrir EM í Póllandi sem hefst síðar í mánuðinum.

Dagur Sigurðsson, fyrrum landsliðsfyrirliði, er sem kunnugt er þjálfari þýska liðsins og hefur farið vel af stað í starfi sínu.

Þýska ríkisstöðin ARD gerði á dögunum stutta heimildamynd um Dag sem verður sýnd á sunnudag en í henni er Dagur heimsóttur til Íslands. Í meðfylgjandi stiklu sést Dagur spila á gítar og syngja með Bjarka, bróður sínum - tónlistarmanni og fyrrum handboltamanni.

Myndin verður sýnd á ARD sunnudaginn 10. janúar klukkan 16:35 á staðartíma eða klukkan 15:35 á íslenskum tíma. Hún er tólf mínútna löng.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira