Samdi nýja skáldsögu sem er framhald Borgríkis 20. júní 2012 13:00 Blóð hraustra manna er framhald glæpamyndarinnar Borgríkis með Ingvari E. Sigurðssyni í einu aðalhlutverkanna. „Það er ótrúlega skemmtilegt að skrifa bók með karakterum sem voru algjörlega lifandi í höfðinu á manni," segir rithöfundurinn Óttar Martin Norðfjörð. Hann sendir í haust frá sér skáldsöguna Blóð hraustra manna. Hið óvenjulega er að hún er framhald glæpamyndarinnar Borgríkis sem kom út á síðasta ári við góðar undirtektir. Til stendur að byggja framhaldmynd hennar, sem er í undirbúningi, að stórum hluta á sögu Óttars. „Það er oft áskorun fyrir rithöfunda að blása lífi í persónurnar í bókunum sínum en þarna var ég að vinna með lifandi persónur," segir Óttar, sem átti því auðvelt með að koma sér af stað í skrifunum. Leikstjóri Borgríkis, Ólafur Jóhannesson, hafði samband við hann í byrjun ársins og spurði hvort hann vildi taka þátt í samstarfi hans og Hrafnkels Stefánssonar en þeir sömdu handritið að Borgríki. Þeir voru þegar búnir að skrifa beinagrind að handriti Borgríkis 2, eða Blóði hraustra manna, eins og hún kemur til með að heita, og vildu að Óttar hjálpaði þeim við að þróa hugmyndina áfram. „Þetta er eitthvað nýtt og það er kannski ástæðan fyrir því að ég samþykkti að gera þetta. Ég var með nýja bók í höfðinu en síðan kom þetta á ská," segir Óttar, sem hefur í gegnum árin hjálpað nokkrum leikstjórum með handritin þeirra. „Þetta er orðinn „díalógur". Stóra hugmyndin hjá þeim var fín en það voru litlar holur í henni hér og þar. Það er langur vegur frá tuttugu blaðsíðna beinagrind í fjögur hundruð blaðsíðna skáldsögu. Núna er ég kominn með bók og þá fara þeir að bregðast við henni. Þetta er bolti sem við ætlum að kasta á milli okkar."Óttar Martin Norðfjörð.Í Blóði hraustra manna er haldið áfram með sögu aðalpersónanna fjögurra sem Ágústa Eva Erlendsdóttir, Ingvar E. Sigurðsson, Sigurður Sigurjónsson og Zlatko Krickic léku í Borgríki, auk þess sem ein ný persóna er kynnt til leiks. Samkvæmt heimildum Fréttablaðsins er líklegt að Þorvaldur Davíð Kristjánsson leiki hana í myndinni en ekkert hefur verið ákveðið í þeim efnum. Stikla úr framhaldsmyndinni var nýlega sýnd erlendum fjárfestum og hún hitti í mark því dreifingarfyrirtækið Celluloit Dreams tryggði sér sýningarrétt hennar í Evrópu þrátt fyrir að enn eigi eftir að taka hana upp. Verið er að fjármagna myndina og reiknað er með frumsýningu eftir um tvö ár. Hvað varðar endurgerð Borgríkis í Hollywood er vinna hafin á vegum fyrirtækisins New Regency við að skrifa handritið og samkvæmt því á myndin að gerast í Chicago. Enn á samt eftir að koma í ljós hvort endurgerðin verði að veruleika. freyr@frettabladid.is Menning Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Heitustu trendin fyrir sumarið 2024 Lífið „Blessunarlega ekkert stoppaður af foreldrum mínum“ Tíska og hönnun Öll með aðstöðu til að fagna sigri með stuðningsmönnum Lífið Hönnunarhús Markúsar Mána og Kristínar til sölu Lífið „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Andri og Erla selja í Seljunum Lífið Setja upp söngleiki, leikrit og tónleika í Háskólabíó í sumar Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
„Það er ótrúlega skemmtilegt að skrifa bók með karakterum sem voru algjörlega lifandi í höfðinu á manni," segir rithöfundurinn Óttar Martin Norðfjörð. Hann sendir í haust frá sér skáldsöguna Blóð hraustra manna. Hið óvenjulega er að hún er framhald glæpamyndarinnar Borgríkis sem kom út á síðasta ári við góðar undirtektir. Til stendur að byggja framhaldmynd hennar, sem er í undirbúningi, að stórum hluta á sögu Óttars. „Það er oft áskorun fyrir rithöfunda að blása lífi í persónurnar í bókunum sínum en þarna var ég að vinna með lifandi persónur," segir Óttar, sem átti því auðvelt með að koma sér af stað í skrifunum. Leikstjóri Borgríkis, Ólafur Jóhannesson, hafði samband við hann í byrjun ársins og spurði hvort hann vildi taka þátt í samstarfi hans og Hrafnkels Stefánssonar en þeir sömdu handritið að Borgríki. Þeir voru þegar búnir að skrifa beinagrind að handriti Borgríkis 2, eða Blóði hraustra manna, eins og hún kemur til með að heita, og vildu að Óttar hjálpaði þeim við að þróa hugmyndina áfram. „Þetta er eitthvað nýtt og það er kannski ástæðan fyrir því að ég samþykkti að gera þetta. Ég var með nýja bók í höfðinu en síðan kom þetta á ská," segir Óttar, sem hefur í gegnum árin hjálpað nokkrum leikstjórum með handritin þeirra. „Þetta er orðinn „díalógur". Stóra hugmyndin hjá þeim var fín en það voru litlar holur í henni hér og þar. Það er langur vegur frá tuttugu blaðsíðna beinagrind í fjögur hundruð blaðsíðna skáldsögu. Núna er ég kominn með bók og þá fara þeir að bregðast við henni. Þetta er bolti sem við ætlum að kasta á milli okkar."Óttar Martin Norðfjörð.Í Blóði hraustra manna er haldið áfram með sögu aðalpersónanna fjögurra sem Ágústa Eva Erlendsdóttir, Ingvar E. Sigurðsson, Sigurður Sigurjónsson og Zlatko Krickic léku í Borgríki, auk þess sem ein ný persóna er kynnt til leiks. Samkvæmt heimildum Fréttablaðsins er líklegt að Þorvaldur Davíð Kristjánsson leiki hana í myndinni en ekkert hefur verið ákveðið í þeim efnum. Stikla úr framhaldsmyndinni var nýlega sýnd erlendum fjárfestum og hún hitti í mark því dreifingarfyrirtækið Celluloit Dreams tryggði sér sýningarrétt hennar í Evrópu þrátt fyrir að enn eigi eftir að taka hana upp. Verið er að fjármagna myndina og reiknað er með frumsýningu eftir um tvö ár. Hvað varðar endurgerð Borgríkis í Hollywood er vinna hafin á vegum fyrirtækisins New Regency við að skrifa handritið og samkvæmt því á myndin að gerast í Chicago. Enn á samt eftir að koma í ljós hvort endurgerðin verði að veruleika. freyr@frettabladid.is
Menning Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Heitustu trendin fyrir sumarið 2024 Lífið „Blessunarlega ekkert stoppaður af foreldrum mínum“ Tíska og hönnun Öll með aðstöðu til að fagna sigri með stuðningsmönnum Lífið Hönnunarhús Markúsar Mána og Kristínar til sölu Lífið „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Andri og Erla selja í Seljunum Lífið Setja upp söngleiki, leikrit og tónleika í Háskólabíó í sumar Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira