Viðskipti innlent

Tengjast rannsókn sérstaks saksóknara

Höfðustöðvar Glitnis Glitnir Íslandsbanki kirkjusandur
Höfðustöðvar Glitnis Glitnir Íslandsbanki kirkjusandur
Skilanefnd gamla Landsbankans ætlar á ný að reyna að sækja 10 milljónir svissneskra franka, jafnvirði 1,4 milljarða íslenskra króna, til eignarhaldsfélaga feðganna Flosa Valgeirs Jakobssonar og Jakobs Valgeirs Flosasonar í Bolungarvík. Málið verður tekið fyrir í Héraðsdómi Reykjavíkur 31. ágúst næstkomandi.

Skilanefndin lét reyna á málið fyrir dómnum í hittifyrra. Því var vísað frá í október í fyrra þar sem það þótti ekki dómtækt.

Í báðum tilvikum er um að ræða einkamál sem skilanefndin höfðar gegn félögum feðganna. Útgerð þeirra í Bolungarvík, Jakob Valgeir ehf., tók lánið, sem hækkaði mikið í gengishruninu. Tvö félög feðganna voru í ábyrgðum fyrir láninu.

Útgerðarmaðurinn Jakob Valgeir var talsvert í fréttum í kringum bankahrunið vegna tengsla hans við eignarhaldsfélagið Stím. Félagið tengdist Glitni og hefur um skeið verið til rannsóknar hjá sérstökum saksóknara. - jab

Fréttir Stím málið


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið