Viðskipti innlent

Pabbi Wernersbræðra gerir kaupmála

Werner Rasmusson lyfjafræðingur.
Werner Rasmusson lyfjafræðingur.
Lyfjafræðingurinn Werner Rasmusson og kona hans Kristín Sigurðardóttir hafa gert með sér kaupmála, að því er fram kemur í Lögbirtingablaðinu. Ekki er vitað hvað fólgið er í kaupmálanum.

Kaupmálar hafa löngum þótt jafn órómantískir sem þeir eru nauðsynlegir. Tveir synir Werners voru talsvert í fréttum beggja vegna hrunsins. Það eru þeir Karl og Steingrímur, kenndir við Milestone. Félagið er í gjaldþrotameðferð.

Werner sjálfur átti félagið Svartháf, að því er DV hefur greint frá. Þetta félag átti að greiða Glitni rúmlega 34 milljarða króna í fyrra. Þetta kemur fram í ársreikningi Svartháfs fyrir árið 2008 sem skilað var til ársreikningaskrár þann 20. desember 2009.

Svartháfur skuldar Glitni þessa upphæð, segir DV, því félagið fékk lán frá bankanum í ársbyrjun 2008 upp á 190 milljónirevra, um 35 milljarða króna á núverandi gengi. Félagið endurlánaði lánið frá Glitni til annarra félaga sem voru dótturfélög Mileston.

Werner varð 79 ára nokkrum dögum eftir að kaupmálanum var lýst og Kristín, sem er seinni kona Werners, varð sjötug skömmu síðar.

Viðskiptafréttir ársins 2010


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið