Fréttaskýring: Pandóra eykur við gjaldeyrisforðann Friðrik Indriðason skrifar 25. september 2010 16:46 Mikil umfjöllun hefur verið um komandi markaðsskráningu skartgripafyrirtækisins Pandóru í dönskum fjölmiðlum í liðinni viku. Seðlabanki Íslands og skilanefnd Kaupþings eiga mikið undir, eða allt að 20 milljörðum kr., að skráningin heppnist vel. Flest bendir til að svo verði og er áhugi fjárfesta á Pandóru gríðarlegur í augnablikinu. Eins og fram hefur komið í fréttum gætu Seðlabankinn og skilanefndin fengið einn milljarð danskra kr. eða um 20 milljarða kr. aukalega fyrir söluna á FIH bankanum „ef allt fer á besta veg" eins og það er orðað. Þessi upphæð mun koma úr sjóðnum Axcel III sem FIH á hlutdeild í ásamt raunar Nordea bankanum, Lego fjölskyldunni og hópi af þekktum fjárfestum í Danmörku. Axcel III er áhættufjárfestingarsjóður og sem slíkur keypti hann 60% hlut í Pandóru fyrir tveimur árum. Sú fjárhæð virðist ætla að skila milljörðum danskra kr. í vasa eigenda sjóðsins. Greining Nordea bankans telur að markaðsvirði Pandóru sé ekki undir 25 milljarðar danskra kr. og að 4% hlutur bankans í Axcel III muni skila 1,4 milljarða danskra kr. hagnaði í hirslur Nordea. Miðað við fréttir í dönskum fjölmiðlum í vikunni virðist þetta mat Nordea síður en svo vera út í hött. Alþjóðlegir fjárfestar bókstaflega slást um að fá að skrá sig fyrir hlutum í Pandóru áður en félagið verður formlega skráð í kauphöllinni í Kaupmannahöfn. Þannig eru nær 9 milljarðar danskra kr. þegar komnir í hús í fyrirframkaupum á hlutum í Pandóru. Það lítur því út fyrir að allt „fari á besta veg" fyrir Seðlabankann og skilanefnd Kaupþings hvað varðar hlutdeild þeirra í Axcel III sjóðnum í náinni framtíð. En þetta er ekki allt dans á rósum því greining Danske Bank varar fjárfesta við því að verðið sem fjárfestar eru að greiða í dag (175-225 dkr. á hlut) sé alltof hátt. Hætta sé á að verðið hrapi niður í 40 dkr. á hlut í náinni framtíð. Pandora var stofnað árið 1982 af dönskum manni, Per Enevoldsen, sem búsettur er í Taílandi. Raunar er hann enn forstjóri fyrirtækisins en hann seldi Axcel III 60% hlut í Pandóru árið 2008 fyrir 2 milljarða danskra króna. Framleiðslan á skartgripum Pandóru fer alfarið fram í Taílandi og er fyrirtækið með 3.000 starfsmenn í vinnu þar í landi. Áætlanir gera ráð fyrir að sá starfsmannafjöldi tvöfaldist á næstu árum. Vöxtur Pandóru hefur verið ævintýralegur en veltan hefur tvöfaldast milli síðustu tveggja ára og hagnaðurinn aukist um 40%. Þetta er einkum að þakka gríðarlegri sölu á svokölluðum heilla-armböndum sem eiga að veita kaupandanum hamingju og heppni í lífinu. Peter Falk Sörensen greinandi hjá Danske Bank viðurkennir að hagnaðurinn af rekstri Pandoru sé áhrifamikill í augnablikinu. Sörensen segir hinsvegar í nýlegu áliti greiningar Danske Bank að þessi árangur geti ekki haldið áfram. Að Pandora vaxi um 100% árlega áfram þýði að innan fárra ára verði efnahagsreikningur fyrirtækisins orðinn stærri en hjá Microsoft. Og til lengri tíma litið stærri en efnahagsreikningur heimsins á heildina litið. Sörensen bendir á að heilla-armböndin séu tískufyrirbæri og því ekki skynsamlegt að byggja framtíðaráætlanir fyrirtækisins á áframhaldandi mikilli sölu þeirra. Hann bendir á að hagnaður Pandóru sé nú 40 aurar á hverja krónu sem velt er meðan að þessi hagnaður hjá best reknu fyrirtækjum Danmerkur liggi á bilinu 15 til 30 aurar á hverja krónu. Þar er hann að tala um fyrirtæki á borð við Novo, Vestas, Novozymes, Carlsberg, Chr. Hansen, William Demant og Lego. Rekstur allra þessara fyrirtækja byggist á sterkum einkaleyfum eða vörum sem erfitt er að framleiða ódýrar eftirlíkingar af. Því sé erfitt að sjá að Pandóra geti haldið þessu hagnaðarhlutfalli. Hvað sem líður skoðunum Sörensen er það staðreynd að margir vilja kaupa hluti í Pandóru. Ef áhuginn heldur áfram munu seljendur FIH bankans njóta góðs af í gegnum samningsákvæðið um ágóðahlut úr Axcel III sjóðnum. Heimildir: Berlingske Tidende, Börsen, Dansk Aktie Analyse o .fl. Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Kaupsamningum fjölgar en mikið ójafnvægi á leigumarkaði Viðskipti innlent Hætta við hlutafjárútboð og skráningu Íslandshótela Viðskipti innlent Hátt verð fæli ferðamanninn frá Íslandi Viðskipti innlent Ingu Tinnu hjá Dineout gjörsamlega ofboðið Viðskipti innlent Bein útsending: Efnahagsráðstefna í Reykjavík Viðskipti innlent Eignast Securitas að fullu Viðskipti innlent AGS leggur til skattahækkanir Viðskipti innlent „Ég var pæja sem vildi ekki vera með ljótan gulan hatt á hausnum“ Atvinnulíf Þjóðin hafi tekið rétta ákvörðun í Icesave málinu Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Fleiri fréttir Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Sjá meira
Mikil umfjöllun hefur verið um komandi markaðsskráningu skartgripafyrirtækisins Pandóru í dönskum fjölmiðlum í liðinni viku. Seðlabanki Íslands og skilanefnd Kaupþings eiga mikið undir, eða allt að 20 milljörðum kr., að skráningin heppnist vel. Flest bendir til að svo verði og er áhugi fjárfesta á Pandóru gríðarlegur í augnablikinu. Eins og fram hefur komið í fréttum gætu Seðlabankinn og skilanefndin fengið einn milljarð danskra kr. eða um 20 milljarða kr. aukalega fyrir söluna á FIH bankanum „ef allt fer á besta veg" eins og það er orðað. Þessi upphæð mun koma úr sjóðnum Axcel III sem FIH á hlutdeild í ásamt raunar Nordea bankanum, Lego fjölskyldunni og hópi af þekktum fjárfestum í Danmörku. Axcel III er áhættufjárfestingarsjóður og sem slíkur keypti hann 60% hlut í Pandóru fyrir tveimur árum. Sú fjárhæð virðist ætla að skila milljörðum danskra kr. í vasa eigenda sjóðsins. Greining Nordea bankans telur að markaðsvirði Pandóru sé ekki undir 25 milljarðar danskra kr. og að 4% hlutur bankans í Axcel III muni skila 1,4 milljarða danskra kr. hagnaði í hirslur Nordea. Miðað við fréttir í dönskum fjölmiðlum í vikunni virðist þetta mat Nordea síður en svo vera út í hött. Alþjóðlegir fjárfestar bókstaflega slást um að fá að skrá sig fyrir hlutum í Pandóru áður en félagið verður formlega skráð í kauphöllinni í Kaupmannahöfn. Þannig eru nær 9 milljarðar danskra kr. þegar komnir í hús í fyrirframkaupum á hlutum í Pandóru. Það lítur því út fyrir að allt „fari á besta veg" fyrir Seðlabankann og skilanefnd Kaupþings hvað varðar hlutdeild þeirra í Axcel III sjóðnum í náinni framtíð. En þetta er ekki allt dans á rósum því greining Danske Bank varar fjárfesta við því að verðið sem fjárfestar eru að greiða í dag (175-225 dkr. á hlut) sé alltof hátt. Hætta sé á að verðið hrapi niður í 40 dkr. á hlut í náinni framtíð. Pandora var stofnað árið 1982 af dönskum manni, Per Enevoldsen, sem búsettur er í Taílandi. Raunar er hann enn forstjóri fyrirtækisins en hann seldi Axcel III 60% hlut í Pandóru árið 2008 fyrir 2 milljarða danskra króna. Framleiðslan á skartgripum Pandóru fer alfarið fram í Taílandi og er fyrirtækið með 3.000 starfsmenn í vinnu þar í landi. Áætlanir gera ráð fyrir að sá starfsmannafjöldi tvöfaldist á næstu árum. Vöxtur Pandóru hefur verið ævintýralegur en veltan hefur tvöfaldast milli síðustu tveggja ára og hagnaðurinn aukist um 40%. Þetta er einkum að þakka gríðarlegri sölu á svokölluðum heilla-armböndum sem eiga að veita kaupandanum hamingju og heppni í lífinu. Peter Falk Sörensen greinandi hjá Danske Bank viðurkennir að hagnaðurinn af rekstri Pandoru sé áhrifamikill í augnablikinu. Sörensen segir hinsvegar í nýlegu áliti greiningar Danske Bank að þessi árangur geti ekki haldið áfram. Að Pandora vaxi um 100% árlega áfram þýði að innan fárra ára verði efnahagsreikningur fyrirtækisins orðinn stærri en hjá Microsoft. Og til lengri tíma litið stærri en efnahagsreikningur heimsins á heildina litið. Sörensen bendir á að heilla-armböndin séu tískufyrirbæri og því ekki skynsamlegt að byggja framtíðaráætlanir fyrirtækisins á áframhaldandi mikilli sölu þeirra. Hann bendir á að hagnaður Pandóru sé nú 40 aurar á hverja krónu sem velt er meðan að þessi hagnaður hjá best reknu fyrirtækjum Danmerkur liggi á bilinu 15 til 30 aurar á hverja krónu. Þar er hann að tala um fyrirtæki á borð við Novo, Vestas, Novozymes, Carlsberg, Chr. Hansen, William Demant og Lego. Rekstur allra þessara fyrirtækja byggist á sterkum einkaleyfum eða vörum sem erfitt er að framleiða ódýrar eftirlíkingar af. Því sé erfitt að sjá að Pandóra geti haldið þessu hagnaðarhlutfalli. Hvað sem líður skoðunum Sörensen er það staðreynd að margir vilja kaupa hluti í Pandóru. Ef áhuginn heldur áfram munu seljendur FIH bankans njóta góðs af í gegnum samningsákvæðið um ágóðahlut úr Axcel III sjóðnum. Heimildir: Berlingske Tidende, Börsen, Dansk Aktie Analyse o .fl.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Kaupsamningum fjölgar en mikið ójafnvægi á leigumarkaði Viðskipti innlent Hætta við hlutafjárútboð og skráningu Íslandshótela Viðskipti innlent Hátt verð fæli ferðamanninn frá Íslandi Viðskipti innlent Ingu Tinnu hjá Dineout gjörsamlega ofboðið Viðskipti innlent Bein útsending: Efnahagsráðstefna í Reykjavík Viðskipti innlent Eignast Securitas að fullu Viðskipti innlent AGS leggur til skattahækkanir Viðskipti innlent „Ég var pæja sem vildi ekki vera með ljótan gulan hatt á hausnum“ Atvinnulíf Þjóðin hafi tekið rétta ákvörðun í Icesave málinu Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Fleiri fréttir Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Sjá meira